En la fiesta de los avuelos

Por:
- - Visto 503 veces

A nuestro kerido inyeto

Si saves komo estan pasando presto los dias
Me akodro komo oy… El minuto ke me vias.
Korrias kon tus piernas flakas por abrasarme,
I kon tus ojos de ‘alegriyas kerias bezarme.
Siempre rogi por tu salud, por un avenir ermozo,
Me sentiya el mas venturozo i yeno de gozo.

Para saver la fuersa de tu kerensya te dizia
Mi kerido, kuando yo estare viejo un dia
I ke me veras kanso, kon un baston kaminando,
Kon mis pasos vagarozos i un poko tremblando,
Tu siendo ke huites la baza de mi enerjiya
Es ke sentiras la misma kerensya i alegriya?


Supito via ke empesavas a un triste yoro
Repentido de mis avlas por tu alma de oro.
Grasyas por tu kudyo i kerensya de avermos dado,
Grasyas por tu amistad de no avermos olvidado.
Yo djuntos la granma te dezeamos buena suerte,
Te abrasamos kon esperansa de en bueno verte.

Granpa i granma

Acerca de Haim Vitali Sadacca

So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: