En rekuerdo de los viktimes de “Kielce”

Los klerikos i investigadores van a tener un Seminar en Kielce sovre el Pogrom, ande la djente del pais mataron a los sovrebivientes del Olokosto 70 anyos antes.ay un Debate Grande en Polonia sovre la komplisidad lokal en este asunto.La idea es de krear un konsepto de perdonarse por el assesinato de 427 Judios.El Seminar será titulado”MEMORIA,DIALOGO I REKONSILIASION”.Un offisial avía metido su vida en peligro para dar la informasión a los Aliados en el Aniversario del Presidente de”JAN KARSKI”Un Grupo Anti Rasisto”El Presidente se yamava”Bogdan Bialek”

Kielce representava una seria de attakos ke desharon a 1500-2000 Judios muertos después del Olokosto.En los últimos meses el Governo Sentral de La Derecha fue kritikado.Los ofisiales eran kontra las diskusiones,mostrando la komplisidad de unos Polakos del krimen kontra los Judios. En mismo tiempo las komemorasiones de los Polakos salvando a los Judios paresían eksesivas.
El Professor Polako/Amerikano”Jan Gross”fue kestionado en suspision de aver insultado a la Nasión Polaka,por dizir ke mas Judios murieron en manos de los Polakos ke de los Alemanes en la Segunda Gerra.El Presidente Polako demando mismo ke se retire el onor estatal dado a Gross. ke venia de eskrivir un otro livro sovre el Pogrom kontra los Judios en”Jedwabne”en 1941.

El Rabino”Schudrich”disho ke espera ke este evenemento va enkorajar a los ke bushkan ser perdonados por sus aksiones.Ke vengan i ke lo agan. Para Kielce no es identifikar a los kulpables,ma de rogar enjuntos por los muertos. Esto es nesesario para los Judios i para los ke no son Judios. Para los Judios es Indignasión sovre el assesinato de víktimas del Olokosto.Para los Polakos es la kestión”Ken lo izo?” Kommunistos o Anti Kommunistos? Esto se entiende,ma agora es el tiempo de mirar a los víktimas.