Ay 120.000 Judios en Brazil i 60.000 biven en Sao Paulo ke es la mas grande sivdad. Salieron de los sitios de imigrantes DjJudios komo “Bom Retiro” indo a”Higienópolis” ke es un barrio mas riko kon sinagogas, tiendas de Kasher i otras institusiones.
Entre 1920 i 1960 los imigrantes djudios de Rio eran konsentrados en el sentro “Plaka Onze” i fue ayi ke nasió el Samba. Después se fueron a”Tituca i Copacabana” ande se topan oy lo mas de las institusiones djudias.
10.000 djudios biven en el Sud del Pais en “Porto Alegre”.
La Konfederasión Israelita “CONIB” es el Representativa de la Komunidad Djudia de Brazil. Fue establesida en 1948 i kuvre a 14 federasiones de estado kon 200 institusiones.
“Albert Einstein Hospital Israelito” en Sao Paulo es la institusión la mas grande konstruida de donasiones djudias en 1955. El sentro de la vida djudia es “HEBRAICAS” ke son klubes de deporte. Sao Paulo tiene 18.000 miembros. Aparte del deporte se konsentran también en el teatro, los servisios relijiosos, musika i bayle. ay mismo una eskola de día. RIO HEBRAICA tiene menos. Aki se organiza el Festival de Bailes “HAVA NETZE BE MAHOL” kon los Maches de Macabí.
La prezencia djudia en Brazil es de 500 anyos.”Gaspar Da Gama” nasido djudio i baptizado por fuerza akompanio al Admiral “Pedro Alvarez Cabral” en 1500’s. avian otros konversos i muevos kristianos en los vapores. Kon la yegada de la Inkisisión en Portugal, los djudios se fueron a Brazil en el Siglo 16. Los mas de eyos son Ashkenazim de asendensia Polaka i Almana. Ay unos sefaradim i mizrahim de la Siria, Libano, Ejipto i Marokos. El Diplomato “Oswaldo Aranha” estava en las Nasiones Unidas kuando se voto de divizar la Palestina en 2 en 1947. Brazil kuaji siempre tuvo buenas relasiones kon Israel. Eksepto en 2015 kon el dispute sovre los produktos de los Territorios Okupados. El puesto de embajador se kedo vazío kuando “Dani Dayan” fue apuntado komo embajador de Israel. Este ombre era un ex-lider de las kolonias.
El numero de djudios ke azen Aliya a Israel se doblo entre 2011 i 2015. 500 imigrantes se fueron ayi. El klima ekonómiko duro kon la violensia urbana i kon un governo korrompido los forzo a partir.
Tradusido por Shimon Geron
Sydney
Artículos Relacionados: