BARUCH HA NIMTSA !
ESPANYA
Bienvenidos sean pues nuestros hermanos
que asi lo deseen a éste espacio comun,
tras largos siglos de injusto destierro
hoy al fin superado …
A todos pues, mi mas sincero !!! Baruj Abá !!!
Eliseo
En repuesta a Eliseo Pardo
Mi dulse amigo Madrilenyo
Ke siempre mos melda kon atensyon
Unos versos modestos sin pretensyon…
Lo reingrasyo otra vez kon kerensya
I kon mi poeziya BARUH HA NIMTSA
Por darmos una tan ermoza bienvinida
Kon su maraviyozo BARUH ABA !
ESPANYA
-BARUH HA NIMTSA !!!-
Espanya, mi payis tambien !
So Espanyola al sien por sien !
No solo por mi sangre i mi lingua
Ma por Amor a su sielo i a su tierra
Sus montanyas i sus rios son mios..
Ke gloryozos son sus kastilyos
Konosko sus kazas i sus kaminos
Mis ansestros repozan en sus simeteryos.
Espanya de mi dolor, de mis yoros
Espanya ke fue la sena de tantos odyos
Nunka amaho muestro amor, el eskarinyo
Abrasarla es el mas maraviyizo suenyo
Bushkava el ayre de los kampos de Aragon
La golor de las rozas en las kazas de Leon
Toledo kon sus templos gloryozos
Los puentes ensima de sus rios freskos
Espanya ande nasyeron muestros savyos
Maimonides i los inolvidables poetos
Sefaradis, a eya dayinda somos enkadenados
Kontamos sus kuentos i kantamos sus kantos
Espanya. avreme tus brasos, mostrame tu soriza
Baylaremos enjuntas la sardana en la plaza
Gritaremos a las alturas muestra alegriya
Manos selladas para siempre sin mas angustya
Artículos Relacionados: