Este Mundo Loko

Por:
- - Visto 236 veces

 

En la foto una scena de teatro de la ovra de Felix Lope de Vega
(1562-1635) “ENTRE LOS LOKOS”-“ESTE MUNDO LOKO”.
Eskrivano famozo Madrileno de mas de 400 piesas de teatro i poemas. Esta es una komedia ke tiene muncha asemejansya kon lo ke se pasa oy en diya. Se trata de un hombre noble, Don Floriano, ke kometyo un delito i se va a eskonder en una kaza, azyendose del loko. Topa la mujer de sus suenyos en esta kaza de lokos ma todo no va derecho porke ay dos otras mujeres ke se enamoraron lokamente de el…. Dospues de un tiempo no se puede entender ken es el sezudo i ken es el loko !…. – Adaptado al Turko por Adalet Cimcoz – Metido en scena por B. Erdenk


ESTE MUNDO LOKO

Unos kon timbales otros kon panderos
Unos savoran las fragulas de sus helados
A los otros les kaye luchas i duros destinos !

Esto es ! Bayla kon los kantos
No vale la pena.. No kero ver yoros !
Ke no ayga diskordias…Basta kon los pletos.

Vate a una kafeterya, ke vengan los chayes
Juga kartikas i de tu vizino no te olvides..
Ganar… Piedrer… Kale ke bien lo pases !


“La” ke esta en kaza parese ke te importuna
No te desha repozado i siempre se kesha
No durme las noches i kon inyervos te aspera !

No lo tomes al korason… Deshala en su kanton !
Kalmate… Afuera la nieve parese al algodon !
Trava la kuvyerta a tu kavesa.. Pensa al perdon…

Enkolga el tiempo a este momento de dulsor
Goza de tu kamika, de la blandor i de la kayntor
Toma un livro divertido de aventuras i de amor

Avli de amor ! No puedo olvidar tus kantos
Teniya kaveyos de seda, se viya la mar en sus ojos
Vos espartitesh… Pasaron semanas i anyos.


Yo so tu padre i tu madre, tu ermana i tu namorada
Kontame ! Puedemos bever si te trava la gana…
I mi alma estava espezasada ! ..Konosko bien la kantika !

Dizen ke las rizas alargan la vida, muestros diyas.
Los yoros la akurtan. Las gotas se mesklan a las aguas.
Los riyos los yevan a los leshos. Las fuentes kedan sekas.


No metas tino a todo lo ke te konto !
Me afita de meter lo vaziyo a lo yenno !
Los amigos vazyan lo dulse a lo amargo !Es la noche. Las ombras se eskonden en los oskuros
No oygo mis pasos, los bruidos kedan silensyozos
Respiro mi soledad, en mi entorno no kedo dingunos..

Devo partir, desharte, mi kamino es largo i ya esta tadre
Me sorprende de no estar kansada, de sintirme alegre.
Kale ke me vayga… Oygo agora los murmuros del ayre.

[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: