די „אַמעריקאַנער ייִדישע פּרעסע־אַסאָציאַציע‟ האָט לעצטנס אַנאָנסירט די אַרטיקלען, פֿאַר וועלכן מע וועט אין נאָוועמבער צוטיילן „ראָקאָווער‟־פּריזן. צווישן די אָנערקענטע אַרטיקלען פֿון 2016 געפֿינט מען 9, וואָס זענען דערשינען אינעם „פֿאָרווערטס‟ און Forward.

דזשאָרדין קוציק, אַ מיטאַרבעטער אינעם „פֿאָרווערטס‟, האָט באַקומען אַ „ראָקאָווער‟־פּרעמיע אויפֿן צווייטן אָרט אין דער קאַטעגאָריע „פּרעמיע אויפֿן נאָמען פֿון דוד פֿראַנק פֿאַר אַן אויסגעצייכנטן פּראָפֿיל פֿון אַ פּערזענלעכקייט פֿאַר צײַטונגען, וואָס האָבן אַ טיראַזש פֿון ווייניקער ווי 15,000 אַבאָנענטן פֿאַר זײַן אַרטיקל וועגן דעם לעבן פֿון ישׂראל קרישטאָל, דער 113־יעריקער לאָדזשער ייִד פֿון דער שארית־הפּליטה, וואָס וווינט הײַנט אין חיפֿה.

פֿאַראַיאָרן האָט דזשאָרדין קוציק געוווּנען אין דער זעלביקער קאַטעגאָריע אויפֿן ערשטן אָרט פֿאַר זײַן פּראָפֿיל פֿונעם „דעלי־מאַן‟ זיגי גרובער. אַחוץ דעם „ראָקאָווער־פּריז‟ האָט ער אויך הײַיאָר געוווּנען אַ חשובֿע „איפּי‟־פּרעמיע פֿאַר זײַן מיינונגס־אַרטיקל וועגן דעם אַרמענער־גענאָציד.

אַחוץ דער „ראָקאָווער‟־פּרעמיע פֿאַרן „פֿאָרווערטס‟ וועט די „פֿאָרווערטס‟־אַסאָציאַציע אויך באַקומען נאָך 9 אויסצייכענונגען, 5 אויפֿן ערשטן אָרט און 3 אויפֿן צווייטן אָרט, פֿאַר אַרטיקלען, וואָס מע האָט געדרוקט אין 2016 אינעם Forward.

די פֿאָלגנדיקע שרײַבער און קינסטלער זענען געקומען אויפֿן ערשטן אָרט:

ניל גייבלער — פֿאַר זײַן אַרטיקל „פֿאַר וואָס די ייִדן טאָרן קיינמאָל ניט אויפֿגעבן זייער ליבעראַליזם‟.

דן רבֿיבֿ און יוסי מעלמאַן — פֿאַר זייער אַרטיקל „דער נאַצי וואָס איז געוואָרן אַ מוסד־אַטענטאַטאָר‟.

דוד צבֿי קאַלמאַן — פֿאַר זײַן אַרטיקל „די מאָדנע און בלוטיקע געשיכטע פֿונעם גראַגער‟.

טאַליע זאַקס — פֿאַר איר אַרטיקל „ווי אַזוי דער 87־יעריקער גרינדער פֿונעם ייִדישן סבֿיבֿיזם האָט געווירקט אויף מיר‟.

קורט האָפֿמאַן, אַניע אוליניטש, עליין ניו און קאַראָלײַן קאָקס — פֿאַר זייער אויסשטעל פֿון דער צײַטונג.

סאָפֿיע מאַרי־אונטערמאַן, נעמי זעוועלאָף און סימי האָראָוויטש וועלן באַקומען „ראָקאָווער־אויסצייכענונגען‟ אויפֿן צווייטן אָרט פֿאַר זייערע אַרטיקלען.

Diario Judío México - Read more: http://yiddish.forward.com/articles/204632/forverts-and-forward-receive–rockower-awards/#ixzz4kT8motLr

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.