Haim Salomon, Djudio i Patriota Amerikano ke Ayudo a Finansar la Gerra de Independensia de Estados Unidos

Por:
- - Visto 405 veces


En una seremonia ke tuvo lugar ultimamente en la singagoga de la prestijioza Akademia Militar Amerikana de West Point, fue metida una plaka de omenaje a la memoria de Haim Salomon.

En los anyos de la gerra de independensia amerikana, H. Salomon fue el konsejero ansi ke el mas importante kolaborador en kestiones de finansas de George Washington, primer prezidente i shefe de la armada de los Estados Unidos, muevamente fondados.

En los dias yelados del invierno de 1777, los soldados de la armada amerikana se estavan entezando del frio por falta de vistimienta adekuada i sufrian de ambre por mankura de alimentos. H. Salomon mobilizo a la komunidad djudia de Estados Unidos, ke ya kontava en akeya epoka algunos kuantos miles de famiyas, i embio un mesaje a los djudios de Evropa demandandoles de ayudar al muevo estado kon sus donasiones.


Su aktividad en este kampo fue tan reushida ke George Washington izo sovresalir su kontribusion en diziendo: “Sin la aktitud de Salomon, los akontesimientos de la istoria uvieron sido diferentes: la armada amerikana no uviera rezistido en su gerra kontra los inglezes i el resto de los enemigos ke kerian empidir su existensia i su kreasion.”

En rekonosimiento por el ayudo de Haim Salomon i del puevlo djudio a la kreasion de los Estados Unidos i a la viktoria en sus gerra de independensia, George Washington desidio de perpetuar esta kontribusion de una manera muy espesiala.

Tomando en la mano una bankanota de un dolar (la facha de la bankanota onde esta eskrito ONE) i mirando en su lado derecho, se puede ver ke las estreyikas sovre la kavesa de agila forman una estreya de 6 puntas, o sea un Magen David. Aboltando la bankanota de manera ke la kavesa de la agila este para abasho, se puede ver tambien ke en la baza de la agila, o sea debasho de sus piezes, ay una menora.

Estos dos simbolos fueron inkorporados definitvamente a la moneda de un dolar, en konformidad a las instruksiones presizas de George Washington ke disho tambien:

“El puevlo amerikano no olvidara nunka el ayudo dado por los djudios en los mas importantes i duros momentos de la kreasion de los Estados Unidos Norteamerikanos”.

Acerca de Central de Noticias Diario Judío

Noticias, Reportajes, Cobertura de Eventos por nuestro staff editorial, así como artículos recibidos por la redacción para ser republicados en este medio.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: