Diario Judío México - Diario Judío México

PARA HANUKA

Vide el sol briyando i me dishe ke vino la hora de pintar las paredes, las puertas i las ventenas de muestro sityo el SEFARADIMUESTRO ! Tomi la furcha (brush) i lo allegri kon las kolores del korason !

EL korolado del amor i de la sangre komo la fraternidad.
EL roz para tener buena humor/matzavruah
i ver la vida “en rose” – toz pembe –

Ke mos se achileye el korason !
Espero ke vos va plazer muestro kafe kon las kolores kayintes !


– Es inviyerno i keremos arekayintarmos delantre de la las flamas del hogar en echando los lenyos aryento,
– kon una kupa de vino dulse kayinte i klavos de komer aryento ! O un chay aromatizado kon las episas del oryente…..
– Espandidos ensima de los kavesales de velours/kadife -terciopelo- i de seda
– i un tapet de pelush blankoooooo!

Kaliya azer novitades por Hannuka ke es la fiestad :

DE LA AMISTAD, LA SOLIDARITAD, LA VAYENSYA, LA KERENSYA, LA ESPERANSA, DEL SAKRIFISYO I DEL MIRAKOLO…. LA FIERSTA DE LA LUZ EN LAS ALMAS…

Vo kompartir kon vozotros Hanuka kada tadre kon las kandelikas de kolor ke vamos a asyender enjuntos.
I ke dezeyo mas ? Lo se ! Ojas blankas i mi pluma para eskrivir poeziyas i sonyar…..

. de akeyos amores ke nunka egzistyeron,
. de akeyas sivdades ke nunka mos fuimos,
. de akeyos kastilyos en las nuvlas blankas komo algodon
. i el Unikorn ke mos aspera en la puerta kon sus alas majikas para yevarmos al lugar ke dezeyamos ir….

. O Pegasus en su splendor de kavayo de las agadas… Bolando mas rapido del aire i de los ventos del sud…

. Bolandomos ensima de los deziertos kon arenas de oro,

. ensima de las altas montanyas kuvyertas de nieve

. i de los pinos ke abrigan los pasharikos yelandosen,

. ensima de los oseanos kon spuma blanka,


. olas ande moran las sirenas kon largos kaveyos blondos
. ande briyan las perlas de las lagunas profundas…

[email protected]

No hay comentarios

Leave a Reply

Artículo anteriorSheelot
Artículo siguienteOjalá
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.