El Rey de los animales izo una deklarasyon,
Estava muy furioso,sus avlas eran kon maldisyon.
“”Kero ke todos vengash por dizirme vuestros pekados,
Si no seremos kondanados a tener negros kavos.
Estamos kastigados de parte de djuzgo divino
Kero deklararvos las kozas ke a mi tino vino.
Estamos sufriendo kada dia kon estos males
Una epidemia ke atako los animales.
Ermanos !!! porke ke seamos kastigados de los sielos?
Los unos agotados, los otros bivyendo siegos.
Kero saver las kulpas kavzadas a este kastigo,
Devesh deklararme las verdadess i no vos maldigo.
Injusticia A Un  Desdichado InosenteVash a dizirme vuestros pletos i vuestra pasadia,
Komo pasaj el tiempo? i kualo azesh en el dia?
Empesare de mi…mato al ke kero por artarme
Chiko, grande.. la natura kijo esta fuersa darme.
No tengo espanto de ningunos, so el poderozo
Para mi es una gloria, me siento yeno de gozo.
“”Tu sos nuestro Rey”’gritaron, tienes todos los derechos,
Te adoramos de korazon sos yeno de buenos echos.””
Dieron fuertes palmas, i deskorsos kon alavasyones.
Por su grande reynado resivyo munchas bendiciones.
***
Kada uno konto de sus vidas,djuntos sus pasajes,
Todos los aktos eran feos, todos eran salvajes.
Vino el torno del azno, su kavesa de bokabasho
Kon sus pasos vagarozos i kon un tono muy basho,
Las miradas yenas de tristesa i su boz tremblando
Konto su vida i a las priguntas repuestas dando.
Disho :””Un dia tenia hambre, vide una guerta,
Era la kaza de un rabino, avierta la puerta.
Me harti de akeas yervas verdes y muy savrozas,
era komo bivir en un paradiso yeno de rozas
Mas de esto nunka tuve ni visyos, ni alegrias
Siempre esto kansado, aharvado todos los dias.””
El leon supito echo un grito tanto salvaje
Ke el azno del espanto se sintyo muerto kaje.
“”Komer las yervas de santos es la razon del kastigo
Por tu kulpa seras kondanado a muerte, yo digo.””
***
Akeos pekadores salvajes hueron regalados,
El azno hue akulpado de todos los lados.
***
En este mundo devemos ser poderozos i fuertes
Si no, seremos mal vistos i mos trokan las suertes.

SIN COMENTARIOS

Deja tu Comentario

A excepción de tu nombre y tu correo electrónico tus datos personales no serán visibles y son opcionales, pero nos ayudan a conocer mejor a nuestro público lector

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.
Artículo anteriorApple trata de adquirir 'Primesense' compañía israelí
Artículo siguienteLas 50 mujeres judías más atractivas de este año
So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.