Dizen ke el amor es fuerte
i tambien ke es muy pasiente,
i yo puedo atestiguarlo
kinientos anyos de espera…
Kijeron borrar mi nombre,
me rovaron tantas kozas,
ama lo ke no savian es ke
la alma tiene memoria.
I no a deshado de gritarme
diziendome tu sos djudia
i nunka deskansaras
mientres bivas eskondida.
Ya no ay miedo ni verguensa,
ser djudia es mi alegria,
alegria de mis padres,
sin maskaras, sin mentiras.
Oy mi tierra me resive,
oy rekonekto mi vida,
mi pasado, mi prezente
i asta la fin de mis dias.
Artículos Relacionados: