Kiryas Joel podrá independizarse, (En Yiddish)

Por:
- - Visto 315 veces

שוין לאַנגע יאָרן קומען פֿאָר צוזאַמענשטויסן צווישן די תּושבֿים פֿונעם סאַטמאַרער שטעטל „קרית־יואל“ און די ניט־חסידישע אײַנוווינער פֿונעם שטעטל „מאָנראָ“, צו וועלכן עס געהערט.

ווי מע האָט פֿאַראַיאָרן באַשריבן אינעם ”פֿאָרווערטס“ זענען די לעגאַלע באַציִונגען צווישן שטעט, שטעטלעך און דערפֿער זייער אַ קאָמפּליצירטער ענין אין שטאַט ניו־יאָרק. אינעם אַרטיקל האָט מען דערקלערט אַז „כאָטש אין קרית־יואל וווינען מער ווי 20,000 אײַנוווינער, איז עס אָפֿיציעל נישט קיין שטעטל, נאָר אַ „דאָרף‟ — אַ טייל פֿונעם גרעסערן שטעטל מאָנראָ אין אָראַנדזש־קאַונטי. מאָנראָ אַליין באַשטייט פֿון זיבן דערפֿלעך, און דאָס גרעסטע פֿון זיי איז טאַקע קרית־יואל. צוליב דעם, וואָס די חסידים אין קרית־יואל שטימען אין איינעם, האָבן זיי אַ ממשותדיקע פּאָליטישע מאַכט אינעם שטעטל מאָנראָ און שטיצן די פּאָליטיקער, וואָס זייער פּאָליטיק איז אָפֿט געצילט קעגן די אינטערעסן פֿון די ניט־חסידישע אײַנוווינער.‟

צוליב די כּסדרדיקע קאָנפֿליקטן האָבן די פֿירער פֿון קרית־יואל פֿאַראַיאָרן פֿאָרגעלייגט, אַז דאָס ייִדישע שטעטל זאָל זיך פֿונאַנדערטיילן פֿון מאָנראָ און ווערן אַ שטעטל פֿאַר זיך מיטן נאָמען „צפֿון־מאָנראָ“. לויטן פּלאַן האָט דאָס נײַע שטעטל געדאַרפֿט באַשטיין פֿונעם שטח פֿונעם איצטיקן דאָרף קרית־יואל, ווי אויך אַן איבעריקע 382 אַקערס פֿון אַרומיקע דערפֿלעך.


לכתּחילה האָט די הויפּט־אָרגאַניזאַציע פֿון קריטיקער פֿון קרית־יואל United Monroe (פֿאַראייניקטע מאָנראָ) דערקלערט, אַז זיי זענען ניט מסכּים מיטן פּלאַן. לעצטנס, אָבער, האָט די אָרטיקע צײַטונג Times Herald Record איבערגעגעבן, אַז די צוויי צדדים האָבן דערגרייכט אַן אָפּמאַך. די גענויע פּרטים פֿונעם אָפּמאַך זענען נאָך ניט פֿאַרעפֿנטלעכט געוואָרן אָבער מע ווייסט יאָ, אַז מאָנראָ שטיצט דעם פֿאָרשלאָג, אַז קרית־יואל זאָל ווערן אַן אומאָפּהענגיק שטעטל. לויטן באַריכט פֿונעם Times Herald Record וועט קרית־יואל ניט באַקומען די עקסטרע 382 אַקערס וואָס זײַנע אײַנוווינער האָבן פֿאַרלאַנגט, אָבער זיי וואָלטן יאָ געהאַט אַ גרעסערע דעה איבער זייערע אייגענע ענינים ווי פֿריִער.

איידער קרית־יואל קען ווערן אַן אומאָפּהענגיק שטעטל דאַרף אַ ריי שטאַטישע רעגירונג־אינסטאַנצן אָפֿיציעל באַשטעטיקן דעם פּלאַן. דערווײַל זעט אויס אַז דער שטאַט וועט טאַקע גוטהייסן דעם פּלאַן’ און קרית־יואל (אפֿשר מיטן נײַעם נאָמען „צפֿון־מאָנראָ“) וועט במילא ווערן דאָס ערשטע נײַע שטעטל אין ניו־יאָרק במשך פֿון די פֿאַרגאַנגענע 35 יאָר.

Read more: http://yiddish.forward.com/articles/204686/kiryas-joel-may-become-an-independent-town/#ixzz4kqwIoU7w

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: