Diario Judío México - Era de edad de diziocho a los vente,
Una kara linda,kon mirada inosente
Su avla kalma i de sonriza muy kayente,
Su kaminada de pasharos,boz no se siente.
Kaveyos sedozos, fin la taya estirados
Eran kon una brosh i kon flores dekorados.
Me bazava a las kozas ke mi ojo via
En su enterior komo era? yo no savia.
Deseava ver sus ermosuras envisibles
Konoser sus sentimientos si eran sansibles.
Keria devenir el espejo de su alma
Por Ver sus aktos si son humanos? o enflama.
La modestia real esta en la konsensya
Si tiene dezdenyo del prove, del manko de sensya.
Si su korason ve a los k’estan en desolasyon
Si les da una mano yena de konsolasyon,
Sere amoroso de su alma i lusyura,
La adorare mas por sus aktos, ke su ermosura.

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.
Artículo anteriorPolonia compensará parcialmente a los judíos por las propiedades nacionalizadas durante el comunismo
Artículo siguienteEstamos fraguando la Eurabya
So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.