La chika demanda a su papi :
– Papi, porke no se komo el mono ?
El padre esta derrotado un poko por esta kestion ma le responde malgrado esto :
– Peppita, es porke muestros bis bis ansestros eran monos i komer estos seriya un poko komo komermos a mozotros…
La chika pensa ke entendyo la repuesta de su padre.
– Hmmmmmm … Es por esto ke los Arabos no komen puerko puedeser ?
***
Temel se fue a la prizyon i demando a ver el ladron ke entro ande eyos antes dos noches
– Kualo le vas a dizir ?
demando el guardian.
– Este lodo de persona entro a medyo notche, le respondyo Temel, i mi Fadime kon ojos de almendra no se espirtyu !!
Le vo demandar komo lo puido azer esto !
***
Esto se pasa al Nordeste de la Turkiya… En Rize!
Non leshos de la Mar Preta en el puevlo de Temel, se avriyo de suyo un hondo burako en la tierra. Munchos ke pasavan por aya kayiyan al burako i kaliya salvarlo, transportarlo al hospital ets…
3 personas de los intelligentes del lugar se arrekojeron para diskutir komo solver el problem.
El primer disho ke una ambulansa deve estasyonar allado del burako i yevarse la viktima sin peryer tiempo al hospital.
El segundo disho ke deveriyan fraguar un hospital al lado del burako para no peryer tiempo..
El treser era Temel :
– Vuestru meuyu no lavura… Todo estu no tienu sensyu ! Kale tapar este burako i avrirlu al lado del hospital !
***
Ke no vos manken las sorizas
Sharope blanco
😂😂😂😂me alegra muncho leyer esto, me englenea muncho, gracias
Kerida Miryam
Es mi grande plazer de meldar ke mis kuentizikos i todo modo de mis artikulos son appresiados por los lektores. No me mankesh. Vos kero muncho bien ! Grasyassssss…..
A mi tambien me plazen muncho meldar todo lo ke eskribes aki.
Me gusta leerlos, aunque no siempre entiendo todo lo que se dice, me recuerda con amor y nostalgia la casa en que crecí.