Un damma esta en la Torre Eifel i le demanda al ke lavora aya si las personas se echan de la torre abasho munchas vezes. El hombre le responde “No… una sola vez !|”
*
Una mujer muy aedada konsulta su mediko de muncho tiempo i se kesha de munchas kozas ke la dezrepozan, tiene munchas dolores ets.
– Si.. Lo se ! Ma no vos puedo dar la manseves atras Madame…..
– No vos demandi esto ! Lo ke kero es simplamente seguir enviejesyendome….
*
En el treno el ke kontrola los bilyetos le dize a la damma :
– Vuestro bilyeto es para Haifa ma este treno se va a Yerushalayim…
– Ah ! Esto me da pena….. I le afita munchas vezes de yerrarse ansina al konduktor ?
*
Ay una mueva maestra en la klasa de las kreaturas. Les kere ambezar unas bazas de la psikolojiya i les demanda ;
– Ke se alevante de su siya el ke pensa o se siente stupido de vezes en kuando.
Silensyo en klasa. Dingunos meneyan. Supito un chikito se alevanta muy dezganado…
La maestra lo mira no kreyendo sus ojos !
– Alora Sam ! Te sientes stupido a vezes ?
– Oh no Senyora ! Ma me izo pena de ver vos en pyes, solika….
*
Marido i mujer, turistos parese, estan vijitando Tel-Aviv kon otobus.
Supito el shofer grita “Allenby” … Tres personas abashan.. Grita de muevo “Gordon” … un soldado abasha… De muevo “Rotschild”…. una mujer abasha…. Otra vez se keda i grita “Ben Yehuda” …Dos ijikos abashan… La mujer le dize a su marido :
– Pashayiko… Mozotros no le dimos al shofer muestro nombre. Komo saveremos ande tendremos de abashar ?
Sorizas a todos
[email protected]
Artículos Relacionados: