Ay kuarenta i kuatro anyos
ke no estuvi ayi.
Mi manseves korria,
a traverso de las barieras,
dezeando las komarkas defendidas
ke solo mis ojos podian alkansar.
Los pinos susurravan kon una tristeza eterna
i en la meara un frio umido
soplava desde las fuesas
ke ya kedaron entonses vazias sin muertos.
Ma yo, ainda bivo, respirava los guezmos
del tiempo ke ya no tornara mas.
I una vez, me afito ayi una maraviya,
me yamo una boz
i mi alma asuvio arriva
bolando sovre las barieras,
pasando sovre kampos yenos de minas
i artanas en los riskisios de las rokas.
Bolava verso el oriente
por el kamino de Yeriho,
a banyarse en las aguas trubladas del Yarden.
Vido ayi una vizion
ke aun en mi esfuenios no me amostraron.
Ken me yevara otra vez
a las komarkas de akel dia…!
*Fosas: Tombas
Artículos Relacionados: