Las kriaturas ke no kresieron
En una ekspozision dokumentala
por los anyos males de la Shoa,
de la stampa me miravan ojos sin kulpa,
kriaturas- flakas komo solombras,
muriendo de ambre- komiendo yervas.
Estas kriaturas no kresieron.
Las entosegaron, las mataron, las kemaron.
Gritos, yoros, flamas…
Solo en la stampa kedaron,
las kriaturas, ke no kresieron.
Artículos Relacionados: