Letra A los dirijentes de siertos paises

Por:
- - Visto 432 veces
No me veyo un ombre politiko ni de alta sensya,
Ma desde anyos kontinui a prolonjar mi pasensya,
Penso ke ya vino el tiempo de konfesar mis penas .
Por ke mi sangre empeso a revoltarse en mis venas.
Mas no puide esperar para ekspresar mis dezeos,
Estan debordando de mi korazon i de mis penseryos.
         *****
Kada diya  meldo las nuvelas de atakos kon armas,
Esto triste de saver los dramos i las vidas amargas.
Matansas sin konosersen por rasa o terrorismos
Por relijyones diversas por rovos o patriotismos.
Problemes en los matrimonios o entre las famiyas ,
Kavzos se sienten en munchas sivdades todos los diyas.
Ombre o mujer a su konyuhe kon su arma la mata ,
Deshan kriaturas huérfanas ,la vida se les amata.
Ken es el kulpavle de estos dramos de estas trajediyas
En eskolas i en kayes mizmas angustias todos los díyas.
Unos por ke son de rasa blankos,otros porke son pretos,
Otros ke no tienen kontrol de sus rabias o de sus pletos.
Unos atakan kon armas a relijiyozos en los templos,
Komo bivir las vidas de los salvajes de los vyejos tiempos.
Senyores , se deve prohibir la vendida,i la merkida d’armas
Los puevlos son los duenyos de sus vidas ,de sus almas.
Posedar armas no es senyal de fuersa o de proteksyon
Nunka dara el senso de heroismo o de perfeksyon .

Acerca de Haim Vitali Sadacca

So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: