אַ דאָקומענט פֿון 14 זײַטן אָנגעשריבן דורכן דײַטשישן פֿאַבריקאַנט אָסקאַר שינדלער כּדי צו ראַטעווען זײַנע ייִדישע אַרבעטער, וועט באַלד ליציטירט ווערן. לויט אַ באַריכט אינעם בריטישן זשורנאַל Page 6, דערוואַרט מען אַז עמעצער וועט באַצאָלן אַרום 2.4$ מיליאָן דאָלאַר פֿאַרן אוניקאַלן היסטאָרישן דאָקומענט.

אויף איר וועבזײַט האָט די ליציטאַציע־פֿירמע Moments in Time דערקלערט, אַז דער דאָקומענט „איז דער איינציקער פֿון די שינדלער־ליסטעס וואָס מע האָט פֿאַרקויפֿט אויפֿן פֿרײַען מאַרק‟. עס זענען נאָך בנימצא דרײַ אַנדערע ליסטעס וואָס שינדלער האָט צונאויפֿגעשטעלט: צוויי געפֿינען זיך הײַנט אין „יד־ושם‟ אין ירושלים, און דער דריטער ליגט אינעם „נאַציאָנאַלן חורבן־מוזיי‟ אין וואַשינגטאָן.

גאַרי צימעט, דער הויפּט־פֿאַרוואַלטער פֿון דער ליציטאַציע־פֿירמע, האָט דערקלערט Page Six, אַז די ליסטע האָט געהערט צו יצחק שטערן, דער „רעכטער האַנט‟ פֿונעם פֿאַבריקאַנט. אינעם באַקאַנטן האָליוווּדער פֿילם פֿון סטיווען שפּילבערג ווערט יצחק שטערן געשילדערט דורכן אַקטיאָר בען קינגסלי.

די רשימה נעמט אַרײַן די נעמען פֿון 801 ייִדישע מאַנצבילן וואָס מע האָט געראַטעוועט פֿונעם פּלאַשאָווער קאָנצענטראַציע־לאַגער אין קראָקע. אָסקאַר שינדלער האָט זיי געפֿירט קיין ברונליץ, טשעכאָסלאָוואַקײַ, וווּ זיי האָבן געאַרבעט אין זײַן פֿאַבריק.

צווישן די אַזוי־גערופֿענע „שינדלער ייִדן‟ געפֿינט מען דעם שרײַבער יוסף באַו; דער חסידישער זינגער דוד ווערדיגער, און דער פֿאָטאָגראַף ריטשאַרד האָראָוויטש.

Diario Judío México - Read more: http://yiddish.forward.com/articles/202953/schindlers-list-to-be-auctioned/#ixzz4bEf0trhB

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anteriorLes Haman d’aujourd’hui: déclaration du terroriste de Naharaïm
Artículo siguienteEl mordisko del onagro