Diario Judío México - Diario Judío México
KUERVOS DEZGRASYADOS !

Keridos Amigos i mis Amigitas,

Buenos diyas a todos !
Bokertovvvvv – Gunaydin – Good morning – Bonjour

Ayyyyyyyy ke diya loko oy ! Una demanyanada ke empeso kon el pye siedro…. Agora todo esta en su lugar i ya me kalmi parese ! Un momento pensi ke peryi el meoyoyo o esto para peryerlo ! Ken lo kulpa ? Los kuervos….. Por Di-o Santo ke el mallogrado de kuervo me estava matando !


Esteeeeeeeeeee !

Ya ay horas i horas ke me alevanti ama estos kuervos, mankos los vere(!) ayyyyyyy lo ke no me izyeron !

Me izyeron la kaza de boka abasho ! Echaron embasho mis plantizikas luzyas todos kon ojos vedres ! Me komyeron, negras de eyas, todas mis
florizikas pembe/roz i blankas komo alas de anjelos…. Los ermozos saksis/vazos de porselana embasho rotos ventikuatro mil pedasos ! I mi korason diez mil pedasos kon eyos enjuntos !

Komo entro este satan a kaza i empeso a bolar komo un loko azyendo el
danyo del mundo……. Ayyyyy mis biblos tan luzyos de mi granmama kerida…. Ochenta mil pedasos embasho, los livros las ojas bolando, bolando tambien sus plumas de karvon i el guerko-mizmo bolando en las kamaratas… Yo echando vardas, vizinos deskalsos, i polis i ambulans a la fin….. (shaka !) Ma vizinos, si, i es el kapidji (portero – concierge) ke puido kapturarlo i echarlo por la ventana abasho ! Males….Lolllllllll

Agora esto riyendo riyendoooooo. Dezmazalada de mi ayudante los ojos afuera del sar i gritando mas de mi ! Hahhhhhaaaaaa Ya mos aresentimos i embiyimos al chop (basura) todo lo roto, las tierras ensima de los tapetes, las plantas espedasadas…. plumas, piojos ken save…. Madre mia bendicha ! Todos los guerkos del gehinnam ! Veremos komo vamos a fregar esta kaza todos los lugares dospues de la fin del mundo!

Ke tengo de riir ansina solo Di-o lo save ! Todo estava demasyado kalmo i ermozo i limpyo i astikado. Ademas el kuervo me kijo solamente vijitar i es kuando empesi a echar vardas ke se espanto tanto ke se enlokesyo por vedra. Serro los ojos i empeso a echarse de pared a pared al tavan embasho, se bolo a las kamaretas i en estas izo salatas ….basta !
No tengo mas fuersas …. Ya paso. Mi korason chik chik chik batyendo ….Entera koroladika i riendoooooooo ! Kedo la puerta del balkoniko avyerta la noche i el ugursuz entro ver lo ke ay a la demanyana demprano. Kapara…..Todo se mete a su lugar… A mozotros ke no mos afite nada !

Yo vos suheto ke no veyash kuervos ni en vuestros esunyos !
Ke pasesh un diya kalmoooooooo i no komo yo !

Karinyos a todosssssssss
[email protected]

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anteriorEstupidez Artificial
Artículo siguienteEl martes Morena presentará reforma que habilita al Ejército a vigilar calles y detener civiles
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.