Los Sielos Oyen…..

Por:
- - Visto 235 veces

Diario Judío México

ME DIO ESCALOFRIO CUANDO LO LEI !! :
Crimen y Castigo
Todo se paga en la vida … E.P.

Munchas grasyas a mi ekselente amigo Senor Eliseo Pardo ke me embiyo estos kuentos. Son historias ke okuryeron reelamente i paresen ser tissadas kon una mizma mistika!


Tres historias traduizidas del Hebreo por Rubén Segal.
Del Ruso por Haim Zahavi
Adaptado i redaktado al Judeo Espanyol por Sharope blanco

EL PRIMER KUENTO
Al empesijo de la Segunda Guerra Mundial, kuando el trajiko destino de los Judios ya era evidente i ke no aviya mas dinguna manera de trokar el destino, unos sien Judyos rikos merkaron un grande vapor kon la intensyon de tomar sus familyas i yegar a las kostas Amerikanas, fuyendo de las dezgrasyas del viejo kontinente. Solo, nesesitavan vizas i por esto se adresaron al Embasador de los Estados Unidos en el Reinado Unido.
En realitad no aviya dingun inkonveniente para darles los vizas ma el Embasador refuzyo i no les dyo. Los hombres keriyan salvar sus famiyas a todo presyo i partyeron para los Estado Unidos sin vizas…
Kuando el Embasador supo ke estos mizmos Judyos estavan en kamino, no peryo tiempo para informar las autoritades en Washington ke un embarkamiento yenno de imigrantes Judyos illegales fuyendosen de la guerra estavan para infiltrarsen a las kostas Amerikanas !
Las autoritades Amerikanas no les permetyeron de abashar i los dezmazalados refujiados no tuvyeron otro remedyo ke de tornar a la Europa en flamas i todos fueron kemados bivos en los krematoryos de los kampos de konsentrasyon !
La trajediya se fue a los oyidos del Granrabino de Londres i este muy furiozo se prezento a la Embasada Amerikana i le disho al Embasador :
– Senyor Embasador, sus aksyones no son komprensibles ni pardonavles, spesyalmente para una persona de vuestro rango… Komo un humano puede komportarse ansina ? Pormodo de vuestra nefasta intervensyon sienes de personas innosentes muryeron. Vozotros i los de vuestra famiya seran malditos por generasyones !
El nombre del Embasador de los Estados Unidos en el Reynado Unido era JOSEPH PATRICK KENNEDY… Les kayo flamas de los Sielos !

EL SEGUNDO KUENTO
Otra vez era el empesijo de la Segunda Guerra Mundial en LITA. El Embasador del Japon ke era una persona kon muncha piadad i un noble hombre no estava de akuerdo kon los assasinatos ke los nazis kometiyan… Uzo de toda su influensa i dyo vizas a los Judyos para entrar al Japon. De aya los Judyos puediyan irsen a los Estados Unidos.. Ansina es ke salvo unas dos mil personas de los kampos !
Kuando los Alemanas supyeron las aktivitades de este Embasador, egzijaron del Japon de yamar immediatamente atras sus Embasador en Lita. Japon era el alliado de Alemanya i no kijo ir kontra los interesos de este payis dunke retiro sus Embasador. Kon esto el Embasador teniya dos semanas para embarkarse al Japon. Dos semanas ke lavoro sin kedar noche i diya para pueder aparejar vizas para los Judyos, lo ke salvo las vidas de munchas otras personas…… Tuvo muncho koraje para azer lo ke izo. Era una persona admiravle…. Antes de la ida del Embasador de Lita, una delegasyon de los Judyos de la Sinagoga de Vilna fueron a reingrasyarlo por sus esfuersos inkreyibles.
– Izites por los Judyos un akto de humanitad sin presedente… No lo olvidaremos nunka i vamos a rogar por ti para ke Di-o te bendiga, te proteje i te rekompense ansi ke todos tus desendientes…
En Japon no fue kastigado. Demisyono de su echo, sus pensiones fueron kanseladas i korto todos sus lasos kon el Governo. Prefero avrir un chiko atelye para mantener su famiya… Era el GARAJ MITSUBISHI.

EL TRESER KUENTO
En el centro de Kiev ay un grande monumento, es la statua del Leader Nasyonal Todo Poderozo de Ukrania, Bogdan Khmelnitsky, ensima de su kavayo. Simboliza el kontrol strikto sovre Ukrania i su independensya. Khmelnitsky es el orgulyo de los Ukranianos, i los turistos admiran el manyifisente monumento de Kiev i de un gran líder.

No son munchos los ke saven ke Khmelnytsky fue en vida uno de los mas negros antisemitos ke egzistyo en el mundo…. En su tiempo munchos progromes rendyeron la vida imposivle a los Judyos… La sangre de Judyos innosentes koryo por las kalejas de munchas sivdades. Munchos de estos Judyos eran genios i fue muy pekado de peryerlos antes del tiempo porke puediyan ermozeyar el mundo i renderlo mas interesante. Muryeron inutilmente…. Mujeres, ninyos, viejos…
Khmelnytsky sembro muncha maldad kon sus aktos satanikos sovre el territoryo de Ukrania… En una sivdad partikular Khmelnytsky (ni su nombre maldito me ambezi a eskrivir a las derechas !!!) fue inkreyivlamente krual ! Bogdan i sus partizanos rovaron i destruyeron todas las kazas mataron a todos los Judyos i sus ijos, Los arekojo a todos en una sinagoga i los kemo bivos sin dinguna piadad. No kedo dingun Judyo en vida en esta sivdad.
Es dospues de sien anyos estos delitos ke se kometyeron en esta sivdad klamaron VENGANZA a los Sielos. No kedo piedra ensima de piedra ! Se muryeron miles indirektamente i dayinda, los ke kedaron fueron infirmos dezgrasyadamente. El lugar se torno a una sivdad de dezolasyon kompleta… Diyas i diyas los umos empretsyeron los sielos…. Esta sivdad es CHERNOBIL !
En el lugar mizmo de la sinagoga en sinizas se aviya fraguado la planta nuklear No. 4 de la famoza trajediya de la Central Elektrika ¬¬¬¬

No… No ay kavo a los mirakolos del Santo Poderozo
[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: