Diario Judío México - La margarina es un alimento prosesado ke fue inventado por un chimisto fransez, Hippolyte Mege-Mouries.   En 1869 lo produizeron kon la grasa entezada del toro i la krema de  leche.  en 1917 uzaron la grasa del coco  en 1952 se invento la margarina blanda i en 1966 la margarina kon poka grasa…

La vedra es ke saviya lo de la margarina ke siertos konsideran komo el tosigo delkual kale alesharse i no meter en boka… Ma el eskrito ke teniya entre mis manos el otro dia me dyo friyos en la espalda !…

Ayyyyy, mis keridos !  Esta kontando el ke eskrivyo el artikulo ke le manka sola una molekula a esta angustya para ser PLASTIKO !  Dingun animal lo gosta i ni las moshkas se aserkan de esto….  Mikro organizmos no kresen en la margarina….

Hidrojenes, asidos grasos i ken save kual otro tosigo inchen en esto !  I saviyash kualo puede kavzar este alimento dezgrasyado ?  Solo kozikas buenas para gozar…..

–  Hazinuras koronarias..   (El riziko es 3 vezes mas !)  Mos se puede kedar el korasoniko !

–  Kolesterol  (ma no el bueno!)

–  Se alimenta del bueno kolesterolel ! -ke le kede en el garon!-

–   Kanser !   (El riziko es 5 vezes mas en dejenerando las sellulas!    Oyveeeeeeeeeeee

–   Al povretiko del sistemo de immunitad lo aze invalido ! No le desha ni gana ni fuersas de salvarmos…!

–   Avre grande grande las puertas para ke entra el Diabetis !  Son amigos. Odya la insulin ke el puerpo produize i simplamente          kavza ke su efekto diminue….   Intelijente he ?

No fue muy sientifiko komo lo trati de eksplikarlo ma lo importante es ke sepash de ke manera de ermozura se trata….

Aman aman…. Echar lo ke ay en kaza por la ventana abasho…. Yo lo echi !  No es ke lo uzavamos muncho.  Se topava en kaza para ke se diga !  Mijor ke no se diga !  No se kere !  I de agora en delantre kozinar solo kon la manteka freska, aroz, borekitas, sauces, todo !

La manteka, una profesora lo disho en la TV, no engodra !  Mintiras…. Yo no la kreyo ma ke vaya i ke seya ansina… Poko tosigo no entosega diziya mi madre.   Siempre teniya razon en Ganeden este….

I….bive la azeyte de oliva !  No se kere dinguna otra azeyte !  Para bivir fina los sienivente komo los vente….

Salud buena fina…..los sienivente i no manko !

[email protected]

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anteriorTorre Reforma, del Arquitecto judeo-mexicano Benjamín Romano, uno de Los 50 rascacielos más influyentes del mundo en los últimos 50 años
Artículo siguienteBanorte, primer banco que permite solicitar y contratar una tarjeta de crédito desde el celular
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.