ME IZO RIYIR !
Estimada Sharope ? Yo ? Es porke no me konoses ke eskrives kozas ansina de estima, de respekto i no se ke ! Leshossss de mi todo lo ke no asemeja a bonbonikos, shokolate, miel, djugettikos…. Mizmo mis studentikos me dan nombres ke ni se de ande les viene a la kavesa !!!! Mi ija aki me yama “tombisim” ke es “kozika chika redonda miya” ! A la buena hora… I si me yamava “lonso de jungla” ? No ke me desplazen los lonsikos… Al kontraryo me plaze muncho, ademas las pandas…. Ma iva sonar feyo allado de las personas… No ? I yo la yamo en Castillano “codernice” i le demando si vamos a kozinar aroz por la noche !? Agora ke save lo ke es codernice -bildircin- me echa miradas pretas “So yo ke to vo komer kon patatas fritas i me vo hartar por fin…!!!” Porke dizen ke somos las gatas ambiertas de la kaza harta !
Mizmo Di-o es mi kerido de korason i avlo kon el komo a mi amigito de siempre. El me oye i me da todo lo ke dezeyo… Me aze milagros kuando lo espero lo manko, komo para dizirme ” No Me kreyes ke esto kon ti, mi buenika ? “Bendicho es El i mi alma Le apartenese. Todo me viene de el i mismo muestro enkuentro kon muestros eskritos; porke El save ande me yeva i kualo espera de mi. Ves komo lo dizes ? “Komunikarme kon ti es un raro plazer ” i es porke yo tengo este plazer delkual me avlas ke “komunikamos”….Komuniko kon tu miente i tu korason, las unikas kozas ke me interesan en una persona.
No noooooooo.. Te yerras muy muncho kuando me dizes ke estamos en dos barkos ke pasan en la noche ! Todo el tiempo ke bives i ke bivo yo, ke bive la persona ke pasa por la kaye, tu vizino o su ijo ke va a la eskola TENEMOS KE SIGUIR KOMO SI ESTUVIERAMOS OVLIGADOS DE BIVIR FINA LA ETERNITAD !
Nunka puedemos saver kuando el Kadosh Baruh Hu mos arankara de la tierra en Su buendad para darmos el Repozo… Entre muy munchos miles de personas ke se “van” kada momento ay muncho mas mansevos i kreaturas ke gente de muestra edad….
Sin avlar de Su voluntad de embiyarmos una estrea ke azeriya siniza muestra planeta entera de un momento al otro. No ay normas en esto… La vida es relativa..
Unos biven 30 anyos komo si aviyan bivido 100 anyos i otros 100 anyos komu si aviyan bivido una semana ! El parparo bive un diya solo. Va demandale ke es su ideya sovre la vida ! En este diya taaaaaaaaan largo por el se ambeza a bivir ! A arekojer su komida a repozarse i a apresyar la belleza de la vida, namorarse i reproduizirse, mostrarmos i sertifiyar una vez mas la manyifisiensiya de Su ovre.
Un hombre inkulto puedo firyirte sin razon porke el mizmo, en su inyorensya i bovedad, se siyente firyido por la vida, tiyene amarguras de todas los tipos, se kome de si parasi porke negros sentimiyentos lo animan ! A una persona asemejante yo no dare otra punta de piye ! A una persona asemejante yo no azere dingun kavzo ! A una persona asemejante yo solo sorire ma lo mas me adjideyare -tener piadad- .
Es solo por esto ke no kije darle una repuesta komo lo meresiya i mas ! Por empesar ni iva entender lo ke le eksplikariya i por segundo iva responder kon una repuesta
mas feya mizmo i entrar en una polemika sin kola ni kavesa…. Porke los inyorentes siempre tiyenen razon i los negros siempre salen kon los suyos ! I, malorozamente, malgrado ke a vezes lo kero tanto (!) no puedo kucheyar a todos ! Ay gente ke lo meresan de negra manera ! Los odyo, odyando mi sentimiyento de odyo para mis ermanos humanos… Grasiyas al Di-o no ay munchos de esta kategoriya !
Los otros ? Deshame soriyir ! No saven lo mas ni porke vinyeron a este mundo ! Son una kamiza mas intelijentes de este sinyor ma dayinda muy leshos por komprender la feyura i la inyobilitad de sus komentos idyotikos !
Tenemos kozas mas ermozas i mas enteresantes de kompartir tu i yo…..La vida es ermoza a kada soplo i desharemos akeyos kon sus orasones oskuros por ser inyoresntes i okultos i ke no saven gozar komo lo savemos mozotros…
Kon todo mi amistad
[email protected]
Artículos Relacionados: