Diario Judío México-
Eyos son mis Papas Noel o mis Mamas Noel ! Porke dingun regalo puede prokurar mas grande plazer de las letras i los messages ke mis lektores tienen la amabilitad de embiyar a mi korreo elektroniko. No ! Mas de plazer… Me ago koroladita entera kon sorizas i ganas de kantar i de baylar !……
Munchos de eyos eskriven sus komentos a mis eskritos i kuanto les gustan, a empesar de mis poeziyas, las fotos ke los akompanyan, los sujetos ke se tratan, la manera ke eskrivo ets….i lo todo kon muncha amistad. Aki abasho un egzemplo de ermozura ke arresivi, muy interesante porke la Senyora, la amiguita, teniya duvdas si aviya fayasido o no, dospues ke meldo ke seriya mi ijo ke publikariya mis eskritos post mortem ! Es para dizirvos ke es vedra ke Nebil se va enkargar de este echo dospues de mi muerte ma ke por agora esto respirando, komyendo i bevyendo i me agrada muy muncho mi egzistensya kon mis sinko pisikas, mi ijika de 20 anyos, estudyando en la Universitad i ke D-io me regalo para mi vejes (es la sietena ke engrandesko a parte de mi ijo), un trezero, un angelito de koza ke me aze sintir de 20 anyos tambien ! Los anyos no kontan…. Tengo 12 anyos, 20, 110, i 300 anyos en mizmo tiempo….
Agora la letra de mi lektora i mi respuesta.
Querida Sharope,
Desde Albuquerque, Nuevo Mexico te escribo aunque no se si vayas a recibir la presente. Te escribo para decirte que he disfrutado muchisimo de tu poema “Una Izla en el Pazifiko”.
Si entiendo bien la nota biografika al final de tu poema, tu ya has fallecido y es tu hijo, el medico, el Dr. Nebil Behar, quien vive en Inglaterra–pero que orgullosa habras estado de el–el que se encargara de publicar tus poemas, ahora despues de haber fallecido. Asi es? Muy buena idea.
Entonces este mensaje le llegara a quien? Igual da. Estes adonde estes, simplemente te quise enviar este mensajito para decirte que tu poema es bello, ritmico, rico en imagenes y vaivenes como las olas del mar que me haces escuchar, como la brisa salada que me has hecho recordar sin haber estado presente.
Yo tambien soy poeta cuyos poemas, mayoria de ellos, no se han publicado aun cuando algunos los he compartido en publico. Asi es la vida terrestre. Te envio un saludo y un abrazo. Me hubiera gustado mucho conocerte.
Que Dios te tenga en Santa Paz.
-Maria Eugenia Trillo, Ph.D.
Mil grasyas por tener la gentilllessa I la sensibilitad de azerme saver ke te gustan mis versos… Disen ke mis poesias I mis eskritos siempre trayen enfrente de los ojos lo ke se trata, komo un filmo…. Es porke eskrivo en realitad “lo ke veyo” mismo si es solo en mi imajinasyon…. Todo es muy simple, kozas de kada diya I eskritos kon muncha sinseritad, la mano al korason komo lo diziya mi mamita…. No tengo dinguna pretension de de ser konsiderada komo una eskrivana sharonfonfon (!) de los serklos literarios, malgrado ke me gustan personalmente lo mas de mis “ovras” ! Lo ke es seguro me gustan las aromas, las kolores I las ermozas fotos ke akompanyan mis eskritos en el Diario Judio.
Grasyas al Di-o arresivo munchos messages komo el tuyo ke me kayintan el korason I me dan mas ganas de eskrivir….
Mil grasyas otra vez….
No ! Dayinda esto en vida ma tengo la promesa de mi ijo ke va publikar las miles I miles de ojas ke le desho, dospues ke vo “avrir margaritas” debasho de la tierra madre ! Yo no tengo pasensya i tiempo para esto, ni savere ande ir, ke azer
ets…. So un gatiko de kaza i no me gusta mojar mi kolika !
La vedra es ke kijyera muncho konoser todos los ke sienten ke somos amigas/amigos ma ke pekado ke mis kantones estan muy leshos de los vuestros…
Te mando un abrazo des de ISTANBUL
Sharope blanco
Artículos Relacionados: