Konosko muy bien las enjustisyas al kayido, Si su alegriya, su komida o su nido, Si daran una luz a su estado palido, El entorno se sela por su biervo salido.
Siertos rikos kreyen ke el mundo es de eyos, Se dan ayres de gala ma son de aktos feyos… Aki…hotel de pasajeros porke olvidar? Kon famas i rikezas no kale glorifikar.
Devemos pensar ke todos somos komo paja, I rikos seran kuvyertas kon misma mortaja, En misma tierra repozaran en blanka laja, Dinero i fortunas kon pletos se partaja.
Ke bueno es si arivamos a ser modestos, Deshando al mundo una boz de buenos djestos.
Acerca de Haim Vitali Sadacca
So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.
Artículos Relacionados: