Mis keridos,
Me refero a mi eskrito del 29 de Julio al Diariojudio
No Somos Marranos = Puerkos ! Susyedad !
kon elkual vos kontava kuanto me duele de saver ke mis ermanos judyos-sefaradis son yamados, mizmo oy en diya, “marranos” ke kere dizir TAMBIEN puerkos ! Susyedad ! Vos estava rogando de nunka mas uzar este biervo denigrante para kualkera persona judiya o konversa ke konosemos des de los dezgrasyados tiempos de la inkizisyon….
El mizmo diya arresivi a mi korreo personal la letra del Senor Itzajk Benabraham del Centro de Documentación y Estudios MOISÉS DE LEÓN – www.sefardies.es. Una letra muy interesante por seguro, pormodo de las aklarasyones muy justas
i informasyon komplementarya ke trusho al biervo “marrano”.
Penso ke es mi dover i mi plazer de kompartir su konosimiento
kon muestros estimados lektores.
Aki abasho unas linias de su letra :
“…… Según varios investigadores, y como una corriente de opinión bastante actual, el término MARRANO se confunde en su significado. Es verdad que por similitud puede hacernos creer que es similar a CERDO o PUERCO, ya que con estos dos términos y el anterior, en español, se define al animal más asqueroso que existe. Al parecer el origen real de la palabra MARRANO estaría en el verbo MARRAR, que deriva del antiguo marrir, y este del germano marrjan “molestar”, influido en su forma por errar, con lo cual según la Real Academia de la Lengua Española / RAE, el primer significado de este verbo es “errar”, y el segundo es “Desviarse de lo recto”, por lo que MARRANO designaría a la persona que “se ha desviado de lo recto”, y aplicándolo a los judeo conversos, sería el que convertido o habiendo aceptado el cristianismo, se desviaba de la ortodoxia, volviendo a las prácticas judías.
Después de tantos años y siglos de utilizar incorrectamente una palabra, es difícil volver a usarla correctamente…….. ”
Letra por lakuala le demandi si me dariya la autorizasyon de publikarla en el Diariojudio kon mis komentos. El fue muy amable de akordarme la permision i lo reingrasyo de korason.
De este punto, vos kero attirar la attensyon a un otro aspekto ke es el mizmo biervo marrano uzado kon un solo “r” dunke “marano“…. un biervo derivado del Hebreo. Tomaron el “mar”
ke signifika “amargo” del empesijo del biervo i “anus” ke es
“forsado“. Kon el tiempo i la asemejansya al marrano dyo marano. Dunke “forsado a la amargura” ke era una deskripsyon egzakta del judyo de akeyos tiempos tomando en vista lo ke los povretos sufriyeron en siguida de la parte de los Portuguezos.
Avlando de marranos o maranos del Portugal, mos akodraremos un poko de BELMONTE, una lokalizasyon en las montanyas altas del payis. Fue morada des del primer siglo por los Romanos i se konkisto por los Reyes de Leon en 1199. Los Hebreos yegaron a la Peninsula Iberika antes mizmo de los Romanos, puedeser kon los Fenisyanos del tiempo del Rey Salomon. Estos ke teniyan en akel tiempo koloniyas en las kostas Iberikas. La vedra es ke los judios teniyan una bastante grande komunitad en la rejyon.
Una de las famiyas las mas konosidas de Belmonte era la famiya de Pedro Alvares Cabral ke fue nominado Amiral por el Rey de Portugal Manuel 1. Navigo a las Indias i al Sud del Oseano Atlantiko i fue una koza inesperada ke deskuvra el Brazil ! I es pormodo de esta deskuvyerta ke 200 Milyones de personas avlan oy el Potuguez i no el Espanyol.
Fue el Rey Manuel ke desidyo ke no keriya mas Judyos en sus territoryos i no les dyo la opsyon de partir del payis. Los forso
a todos de konvertisen al katolisizmo ma kuando estos muevos kristyanos kontinuaron a pratikar la relijion de sus ansetros aryento de sus kazas fueron denunsiados komo judaizantes, i lo mas kon mintiras, al Santo Ofisyo (!) i es alora ke empesaron las torturas ke duravan mezes i anyos i los auto da fe ke era kemar bivos los judyos. Miles i miles de judyos, inkluido mujeres i kreaturas peryeron sus vidas de esta manera inhumana.
La inkizisyon fue abolida solo en la dekada de 1820.
La expulsion de los Judios
A los ke se aderavan al kristyanizmo se les tomavan todos sus bienes i eran humiliados publikamente. Lo mizmo se produiziya en Espanya, en Fransa en Italya durante siglos de terror…
Grasyas a la mujeres rezadeiras ke ensenyavan de una manera sus raises, Belmonte fue la sola komunitad ke guadro siertas tradisyones komo un sierto kasherut, el Yom Kipur, la Pasqua
kon la fabrikasyon de la matsa en sekreto.
En 1970, kuando se retablisyo la demokrasiya en Portugal, los judyos de Belmonte empesaron de muevo a estudyar el Hebreo i konektarse al Judaizmo. Se fraguo una mueva i ermoza Sinagoga, se empeso a la fabrikasion de vinos i produktos kasher i Belmonte se izo una destinasyon para los turistos judyos ke vijitan tambien el famozo Muzeo Judyo.
Artículos Relacionados: