Porke eskojieron a Jerusalem a ser la Kapital de Israel? Jerusalem no es una sivdad ordinaria i nunka fue.Tuvo siempre un aspekto físico i espiritual.
Los Psalmistos la yamaron”Perfeccion i Belleza”[Psalmo 50;2].
El Talmud disho”Vinieron a la Tierra 10 mesuras i 9 fueron tomadas por Jerusalem. [Kidushim 49b].
Se dise ke Jerusalem es la mas etika sivdad en el mundo.Sivdad de la fe.[Isaiah 1:21].
Se dise ke Jerusalem es la sivdad de la realidad.[Zechariah 8:3].
Se dise ke Jerusalem es una sivdad unida.[Shemot Raba 23:10].
MI TSION TITSE HA TORA/De Tsion viendra la Tora i la palavra de Jerusalem.[Isaiah 2:3]
antigua_jerusalemLa sivdad de Jerusalem se mensiona 660 vezes en el TANAH. Tsion se mensiona 180 vezes. ay sinonimos sin kuento komo “Sivdad de David”.
En kontra ay 150 referensias de Jerusalem en el Testamento Nuevo i solo una en el Koran. Jerusalem nunka fue una sivdad Araba i en el Islam kaie al tresero rango después de Mecca i Medina.
Aparte de las Krusadas i de la destruksion Romana de Jerusalem los Judios i los Musulmanos fueron matados por los invasores. Por tanto los Judios siempre se tornaron aki.
Eran solamente los Judios ke ivan a azer de Jerusalem una Kapital. Desde 1800’s los Judios formaron siempre la mayoría. La reklamasión de los Arabos vino kon el Reinado Hashemite kapturando la sivdad antigua en 1948 i no se izo nada kon esto.
El nombre Yerushalayim signifika ‘Fondasion de Salem” Los Judios lo konosen komo “IR HA SHALOM/Sivdad de paz”.
Jerusalem es tan Sentral ke la sivdad de VILNA antes de la gerra era “El Jerusalem de Lithuania”.[Yo penso ke si ay una sivdad ke parese a Jerusalem es “TOLEDO”]
Se topan referensias de Jerusalem en los Estados Unidos,Australia i Nueva Zelanda.
Kisas los otros pueden gozar de Jerusalem,amarla i ser impresionados.Ma fueron solamente los Judios ke eran atados ayi por 3000 anyos.
Es el Korason del Judaismo en jeografia,kultura i espirito.En la antikuedad Jerusalem era el sanktuario Israelito.oy es el sanktuario del Estado de Israel.El Korason, la Alma i el Espirito.
Jeremiah disho[30:17]”Tsion, porke cuida/cares”.
El ex-alkalde de Jerusalem”Teddy Kollek” disho”Los Judios tienen solamente a Jerusalem i solamente los Judios izieron una Kapital de Jerusalem”.
Tradusido por Shimon Geron Sydney
Yerushalmi baLev.
Fuente: Ladinokomunita
Porque*, llama*
porke Jerusalén se yama yerushalayin porque solo aparece en la tora y en el pacto renovado del ETERNO en tehilin y yshiyahu exlente estudio ÉL ETERNO bendiga a yerushalayin porque es ciudad de SHALOM
No se sabe pero es ciudad eternaaa