Projektos….. Projektos

Por:
- - Visto 217 veces

Keridos Amigos i mis Amigitas,

Dogan viene de embiyarme kaynte kaynte del
orno un kuentiziko ke me izo soriyir i ke presto
adapti i sharopeyi al Espanyol Sefaradi para
kompartirlo kon vozotros !

Se trata de un grupo de grandes finansieros
muy rikos i famozos en el mundo entero seya por
sus vidas ekstravagantes i seya por el sukseso
ke lograron en sus kamino komo hombres de
negosyo… Entre eyos, un kristyano Parizyano,
Un Anglikan de Inglaterra, un heredero del
trono de un payiz del Golfo i un Judyo ken
prefereriya mil vezes toparse kon sus ijos i
sus amigos al bodre del manyifiko yacht ke
viniya de merkar….


Estavan asentados al rededor de una meza en
la kamareta privada de uno de los finansieros.
Estavan aya asperando de entrar en la sala de
konferensyas ande teniyan una reunion de los
leaderes de siertas komunitades… Estavan
diskutyendo de aki-de aya para pasar el tiempo..

A un sierto momento el Katoliko disho ke, kon
lo ke le desho por erensya su esuegro, teniya la
entisyon de merkar el CITIBANK….

Esto avriyo kaminos al Anglikan ke les informo
ke se estavan preparando a avrir negosyiasyones
kon la GENERAL MOTORS… Les disho kon
una grande soriza en su kara…

– Ya vino el tiempo de investir todo muestro kapital
ke yego a milyones i milyones en una de las
kompanyias las mas grandes del mundo….
Esperamos konvokarlos el otro mez a lo mas tadre …

El Muzulmano los estava mirando den alto !
– Mi padre, el Prince, tambien tiene un projekto loko
en su kavesa ma lo puede lograr porke no konosko
persona mas poderozo de el… Tiene la intensyon de
merkar el MICROSOFT !

El Judyo los mira… No dize nada… Kontinua a bever
trankilamente su kafe… Toma un biskochiko se lo yeva
a la boka i lo savoreya kon apresyasyon…

Sus amigos le demandan kualo pensa de estos projektos.
Les responde komo si avlava del tiempo i del sol….

– No esto vendyendo ! Ke keden….

Vos saludo kon sorizas i karinyo
[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: