Padre i madre dezeamos respekto i amor
Esta satisfaksyon azera olvidar el dolor,
Un arimo es muy sakro,mos dara enerjia,
Nuestra vida sera dekorada kon alegria.
Kuando viene la ora ke uno desaparese,
El otro keda solo, fin de mundo le parese.
Bive kalmo,desgustoso i yeno de tristeza
No esta mas su kerido al bodre de su meza.
No esta mas la persona ke partajava sus gozos
Las ansyas,las kerensyas i sus dias ermozos.
La soledad mata la persona,las noches largas
Los rekuerdos siempre bivos,las oras amargas.
Paga en estos tiempos a tu madre,a tu padre,
Aserkandote kon kerensya sin ke se aga tadre.
Ganaran enerjias en sus edades avansadas
Les daras fuersa de bivir a sus vidas kansadas.
Seras rekompasado del Dio kon sus bendisyones,
Tus ijos aplikaran a ti las mismas lesyones.
Artículos Relacionados: