AronZavaro
RE: SINIZAS I UMOS en DIARIOJUDIO
Kerida Sharope
No se kuantas vezes lo meldi tu “ Sinizas i Umos”.
Tu grito yeno de yoros bushkando la salvasion
Tu pena de realizar en la vejes ke todo es nada .
Tu vision ke kortates agua kon tijera
I la soledad sin “ la dulse mitad ”.
Kerida, este pasaje no esta mas tan largo
La luz mos aspera a la fin, la keremos o no.
Tiente bien, la abashada es fuerte
Los ke te keren saven tu valor
No estas sola en este viyaje de vejes.
Kon karinyo
Aron Zavaro
—————————–
From: ‘eliseo pardo’ via SEFARADIMUESTRO
Sent: יום שישי 24 יולי 2020 21:40
Subject: Re: SINIZAS I UMOS en DIARIOJUDIO
Todo en la vida tiene su contrapunto, y su valor de enseñanza de modo que seamos capaces de apreciar verdaderamente cada momento y situacion que nos toqué experimentar como algo único, y merecedor de ser vivido con toda intensidad …
Recuerdo ahora cierta oracion que se iniciaba con las siguientes palabras;
“Señor, te doy gracias por la oscuridad, ya que por médio de ella, me has enseñado a amar la luz”
agradecidos debemos pues de estar por las distintas oportunidades que la existencia nos brinda para ser felices, para desarollar nuestras capacidades y alcanzar plenitud.
Que asi sepamos vérlo e interpretarlo, depende en buena medida de nosotros …no dejemos pues escapar la ocasion, y apliquémonos a ello !!!
Karinyo
Eliseo
——————————-
Mis amigos, buenos i tan keridos,
No esto sola kon vozotros i no siento amargura.
No me importa la valor ma el karinyo i la espera
La blanda tierra ke no me espanta i ke me yama
La madre ke me avrira sus brasos i de lakuala fui nasida
No, no tengo dingun espanto i soriyo en mis suenyos
Se ke algun momento un angelo me tomara las manos
Me yevara a los Sielos i vana terminar mis eskarinyos
A todos ke biven en la Luz i rogan por mozotros.
Dio me dyo todo para ser felis ma komo es el humano ?
Siempre topa hora de reingrasyarlo i ser dezmazalado !
No le basta las ermozuras i de todo lo ke se enamoro….
Keda yorando para kada koza ke lo kontraryo !
Ke es la vida sino miles de plazeres, lo ke tenemos..
Todo lo ke mos pena, lo ke mos ambezan los regretos
La pasensya i la impasyensya, la esperansa i remorsos,
Injustisyas sin nunka pensar a remedyar los muestros.
La vida es un kurto viaje de unos anyos para los unos
Muy larga para otros ke no supyeron gozar de sus buenos
O ke avansaron, mazalozos, en rikos i briyozos kaminos
Para yegar los unos i los otros a los mizmos terrenos.
Sharope blanco
Artículos Relacionados: