Diario Judío México - Ayyyyyyyyyy ke dizen ke las komputadoras asemejan a las mujeres !!!
O era las mujeres ke asemejavan a las komputadores… ? No ! No puede ser…. Entre eyos se asemejan ?

VEREMOS !
1. Todas las dos nesesitan tomar elektrisidat
2. Todas las dos paresen no azer nada ma azen kozas sin darsen a entender…
3. Logrash la mijor asigun la moneda ke gastash por eyas.
4. No puedesh entender ni por la una ni por la otra kualo afito kuando no responde komo kale !
5. No se puede pasar la persona d’eyas kuando se auza..
6. Kale komportarse kon dulsor kon todas las dos.
7. Ke no tengash dudas ! Dezeyerash trokar i la una i la otra dospues de 3 anyos max. ! Ay siempre mijores !
8. Todas las dos son indespensavles para los hombres.
9. Todas las dos te azen travarte los kaveyos i no importa kuanto delikado te kompartas kon eyas.
10. Todas las dos te dan “error” peryodikamente.
11. Todas las dos son muy sensiblas. La una te kema el hard disk, a la otra le toma la migrena !
12. Todas las dos no azen lo ke keres kuando estan “rompidas” !
13. Todas las dos tienen una memorya ekstraordinarya ! Nunka se olvidan de lo ke paso. Kale azer atensyon !

***

Kuando Ford se muere i yega delantre del Anjelo este le dize :
– Fuites alguno ke servyo la humanitad kon los otomobiles ke inventates i por esto te damos el privilejio de azer por un tiempo le ke te plaze !
– Grasyas…. Kijyera toparme kon el Kadosh Baruh Hu i pueder avlar kon el un rato !

El Anjelo yamo a un anjelito i le disho ke yeve a Ford al Korte Supremo. Delantre del Sinyor del Mundo se aboko Ford kon grande respekto :
– Me interesa saver a kualo estavash pensando kuando kriyatesh la mujer Di-o Todo Poderozo !
– Para kualo me demandas esto ?
– Es un modelo kon munchos defektos !

1. No egziste un model ekonomiko…
2. Aze bruido kuando se kayinta..
3. El mantenimiento es muy karo
4. Nesesita konstamente
5. Tiene ke ser metida en un garaj 5 diyas kada 28 diyas
6. El eksteryor se deteryora i enviejese en pokos kilometros
7. El konsumo de kombustible es inkreivle
8. Es lento komparado a el otro model ke izites : el hombre

Di-o lo oye i se dirija verso un superordenador selestial. Klika ensima de un ikon i instantanamente aparese en la ventana una lista bastante komplikada…
– Si veygo ! Tienes razon ay siertos puntos ke dan a pensar en realitad ! Kon esto veygo ke tengo mas hombres montados/produisidos ke los super modelos ke enventates !
***
Topi en mi maletta una koza ke me plazyo muncho i va trayer una soriza a a vuestra kara por sierto !

La chikitika le demanda a su madre :
– Mamita, todas estas personas en el mundo.. De ande vinyeron ?
– De Adam i de Eva mi kerida… Se kazaron i se amaron i tuvyeron munchas kreaturas, ke se kazaron a sus tornos i nasyeron mas bebes fina ke kon muncho tiempo incheron el mundo !

A la chika no le plazyo tanto oyir esto…. La tadre kuando el padre vino le demando la mizma kestyon.

– Mi angelito, al empesijo no aviya personas ma solo bestyas… I el mono/maymun por seguro. Kon tiempo este maymun empeso a ir ensima de sus dos pies… Evoluo, se ermozeyo i miles de anyos dospues bolto a ser el Hombre.

La chikitika koryo a su mama :
– Me enganyates ! Vinimos de los maymunes ! Papa me konto todo. Agora lo se !

– Ayyyyy mi kerida ! Papiko te konto la historya de su famiya, yo te konti la miya !

[email protected]

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


Artículo anteriorYa lo He Decidido
Artículo siguienteDiscovery impulsa la investigación móvil sobre la malaria
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.