El Grupo Shadarim esta bushkando lavoros para inkluir en el sigundo numero de la Revista Shadar.
La yamada es avierta i interdisiplinaria.
Los artikolos kale ke sean orijinales, ineditos i deven de kedar ansi durante el tiempo de evaluasion. Deven de estar eskritos en djudeo-epanyol, en el modo de eskritura de la ANL (Aki Yerushalayim) o en haketia, i pueden kuvrir temas variados relasionados kon la lingua, istoria i las tradisiones, sefaradis o no, afilu kualseker tipo de tematika de aktualidad, biografikas, sportivas, sientifikas, mediatikas, espektakulos, ets.
Se bushka ansi, kontribuir para la promosion de las linguas djudeoespanyolas.
Kon el buto de krear un material de grande kalidad, los artikolos a puvlikar seran aresividos mezo yamado puvliko i djuzgados por un djurado eskojido por el komite de la revista de los Shadarim.
Data limite de aresivimiento de artikolos: 30/6/2022
Data estimada de puvlikasyon de la revista: septembre 2022 (Iamim Noraim 5783)
Los lavoros deven de tener un minimo de una pajina i un maksimo de 4 pajinas en formato Word A4 en karakter Times New Roman boy 11 de espasiado simple.
Kale redusir al minimo las notas al pie de pajina i limitar a komentarios adisionales sustantivos.
Seran bienvinidas imajenes ilustrativas (propias, de dominio puvliko o livres de derechos).
Kada lavoro kale estar akompanyado del nombre del otor kon un chiko CV de 5 lineas en el formato antes indikado i una foto dijital de la kara del otor.
Kon la sola partisipasion en esta yamada los partisipantes konseden ekspresamente la permision de puvlikasion.
Kenes esten interesados pueden ver el #1/2021 de la revista en https://shadarim.com/muestra-revista-shadar/
Los lavoros i las konsultas deven ser enviados por mail a [email protected]
Aserka de los Shadarim
Somos un grupo de aktivistas, artistas, akademikos, i avlantes del djudeo-espanyol. Todos los miembros de los Shadarim fueron eskojidos por el Komite Egzekutivo de la Autoridad Nasionala del djudeo-espanyol i su Kultura para kumplir uno de sus butos prinsipales: el kontakto kon komunidades de avlantes del djudeo-espanyol fuera de Israel. Los miembros de los Shadarim son de Ardjentina, Bosna, Espanya, Estados Unidos, Kroasia, Makedonia, Serbia, i Turkia.
Reprezentan la Autoridad frente asus komunidades, difundiendo en eyas la informasion sovre el djudeo-espanyol, komo aktividades, inisiativas, i ovras de la lingua, i kolavorando endjuntos en la promosion i prezervasion de la lingua i la kultura sefaradi, mizmo al nivel lokal, komo al nivel mundial.
Shadar es una revista dijitala, de akseso livre, debaldes, kompletamente en djudeo-espanyol i haketia.
Idea maravillosa ésta. Es una manera de mantener viva la historia y las tradiciones sefardíes, tradiciones que son tanticas y hermosas. Mi gente, quien venía de Marruecos y hablaba el haketía, creía muy importante mantener estos vínculos con un pasado lejano, pero fuerte. Gracias señores por su decisión. No sé si sabría bien escribir el hakitía de mi niñez, per me encantaría traer mi contribución a la cultura de nuestra nación.