Yoshua i el Kristyanizmo

Por:
- - Visto 287 veces

Afita.. i munchas mas vezes ke mos puedemos imajinar un argumento, una diskusion, avlas de todos los niveles entre personas de diferentes kreyensas, muzulmanos, kristyanos, judyos lo mas porke azemos partido de las relijyones monoteistas, sin saver en munchos kavzos lo ke mos separa mizmo de las otras relijyones !…. Somos enklinados a tapar muestras orejas i muestros ojos basta ke se trata de otra kreensya. Tapar orejas i ojos dishe ? Deke no peleyarse, dezapresyar, odyar, rechesar i mizmo matar ? Komo si se tratariya de la mas negra i defendida koza en el mundo ! Vowwwwwwww…. Unos diran “kafir” i sinyifika por el muzulmano “sin Di-o” , unos otros gritaran “herejia” i prestoooo ekskomuniar ! El judyo tapara su kara o no se kualo para dizir “goy” !
Dezgrasyas de komportamento i leshos de relijyones ke se dizen de “amor”, de “justisya” i de “derechura”… Nada de esto !

En dingun lugar de los Livros Santos esta eskrito ke Joshua es de otra relijyon ke el Judaismo. Ni se puediya pensar asemejente monstruozitad
porke se tratava de un buen hombre ke amava Di-o i su Ley kon todo su korason. Joshua era un hombre kon “amor” en su korason para sus kompatriyotes judyos i keriya ke todos se “abolten” a sus Padre en el Sielo, Lo adoren i ke se amen entre ermanos ke son, ke el Maldicho Grande no pueda detornarlos del uniko kamino ke los va yevar a la Piadad del Santo Bendicho, ke todos son los mizmos a Sus ojos ets. Kozas ke puediyan ser dichas i eran dichas puedeser kon otras palavras de la parte de kualker Rabbi kon meoyo en akeyos tiempos. Puedeser tambien ke uzo palavras de kompasyon ke agradaron por seguro al puevlo alora ke muestros Rabbis eran mas striktos, mas kon distansya a la gente, orguyozos i mas okupados (!) kon todas sus responsabilitades,

Ma Joshua por sierto ke era unikamente judyo fina ke dyo su alma en la forka, de manera endjusta o kastigado de manera demazyado krual. Por seguro…. En akeyos tiempos la vida del benadam no kontava…. Se avlo de los derechos del Hombre kuando solo ? Las personas se muriyan komo moshkas de la krualitad de las otras personas, de hazinura sin remedyo, de las guerras, por si o por no, por los bandidos en las kayes, por el tosigo de alguno ke preferiya ke su vizino seya muerto !!!! Miles de razones…..En los puevlos vizinos de Israel sakrifikavan humanos a las piedras !!! Es en estos tiempos ke esta historya okuryo! Ken save puedeser kon la voluntad mizmo del Kadosh Baruh Hu.. Ma la sola vedra en todo esto es ke esta kreensya fue propajada por sus amigos ke ivan detras de el ande todos los lugares ke iva para ke la djente adoren Di-o i no agan negriguras, respekten la Ley i los Komendamyentos i no seyan enimigos entre eyos, se ayuden para tener una vida mas fasil i agreavle.


Kuando se muryo, no saviya ke la Historya se iva trokar pormodo de el ! Si muestros hahamim ivan a lavorar tanto duro komo lo izyeron los amigos de Joshua, oy el mundo entero iva ser unikamente judyo !
Es muestro kastigo de no aver echo lo ke teniyamos de azer !

I no se ke me toma a mi de meter este eskrito debasho de los ojos de todos ke me pueden juzgar komo les viene… Komo una ke vido un ermozo filmo o komo una ke viene de meldar un livro de perdisyon ! Atyoooo ! Vos rogo de ekskuzarme…Los estos i los otros…. Dinguna entisyon de mi parte de pizar a las kolas de mis amigos….. Lo ermozo es ke me rendi kuenta en eskrivyendolo i kontinui ken save deke !!!!

[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: