Diya de kuentizikos

Por:
- - Visto 228 veces

EL PINGUIN

Un hombre topa un pinguin en la plaj. Mira siedra, mira a la derecha i ve enfin un polis. Se aserka de el i le demanda :

– Topi este pinguin… Ke me konsejas de azer ?
– No se yo ! Yevalo al ZOO !


Pasan unos kuantos diyas el polis ve otra vez el mizmo hombre kon el pinguin a su lado

– Ke afito ? No lo yevates al ZOO ?
– Si si ! Estava muy divertido ! Oy mos estamos indo al sinema !

***

SAVER AVLAR

La mujer ke esta en vakansyas al bodre de la mar le telefona al marido i le demanda komo esta el gato.

– Se muryo !

– Es ansina ke kale ke me lo digas ? No puediyas kontarme ke estava kaminando al bodre del balkon i ke un bruido lo espanto i afito una koza inesperada etc…I komo esta mi madre ?

– Hmmmm… Se estavan divertyendo los dos en mizmo tiempo en akel balkon… Entyendes ?

***

MANKAR

Tres elevos estan interrojados por la maestra de klasa ke les demanda de uzar el verbo “MANKAR” en una fraza negativa.
El primer dize :
– Mi padre merko una automobil ma mankava el ayre kondisyonado

La segunda disho :
– En muestra kaza de enverano mos manka una pisina para nadar.
– Muy bien tambien….

El treser disho ke no les manka nada….
– Ma komo ? Pensa bien….Vas a topar una koza ke manka en tu kaza !

El chiko se akodro !
– Si, si ! Mi padre disho “Solo esto mos mankava!” kuando mi ermana vino kon un amigo kon ojikos estirados, kinezo entero, para prezentarlo a muestros paryentes.

***

ANIVERSARYO DE KAZAMIENTO

Vana fiestar sus 25 anyos de kazamyento i la mujer muy eksitada demanda a su marido kualo sera su regalo por sus aniversaryo de plata.

– Un viaje a la China kerida !

La mujer esta muy sorprendida de este regalo tan valorozo !

– Ay mi kerido ! Ke buena ideya ! Ma si me ofras este regalo por los 25 anyos ken save lo ke me azeras por los 50 !

– Vo vinir a tomarte !

***

LA KONFESYON

Trayen a la sellula del kondanado a la forka un saserdote ke le dize :

– Mi ijo, te traygo la palavra de Di-o.
– No se kere padre… Estas peryendo tu tiempo. Lo vo enkontrar yo mizmo en una hora o dos. Keres ke le diga koza de tu parte kuando Le vo avlar ?

***

EL ENTERRAMIENTO

En el simetaryo allado de la tomba, el saserdote alava el muerto :
– Era un buen hombre, un ekselente Kristyano,un marido egzemplar i un padre maraviyozo…

La bivda se aboka a la oreja de uno de sus ijos
i le dize :

– Vate presto allado del serkulyo i miraver ken esta aryento! Es de vedra tu padre o no ?

***

PARA AFLAKAR

La madre furyoza chafta a la puerta de la vizina ke aharvo su ijiko !
– Mujer ! Deke aharvates mi ijiko ?

– Porke es un impertinente ! Vino i me disho
ke so godra !
– I pensates ke te aflakeriyas en aharvandolo ?

Ke nunka vos manken las sorizas

[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: