No se para kualo las personas tuvyeron alerjiya para este sharope de hombre ke era Bush. El mundo entero lo odyo ! Yo lo amava muncho. Deke no ? Izo koza negra kontra Israel ? No. Los kijyera ver a todos en su lugar ! Los otros son mijor ? Hmmmmm ! Todos pueden azer errores en tantos anyos.
bivyendo kada punto kon 10 mil ojos ensima del dezmazalado de el ! Un Monsieur ! Un gentleman ! Siempre la honoro a su mujer ! Dyo su mano a todos, saludo kon grasya, se vistyo kon gusto, no se engodro, kijo bien.
a los perros… Buen hombre ! No lo vide peleyar kon dingunos ! Nunka atako a alguno ! Palavra negra no le salyo de la boka ! Se va a su Jesus porke kreye en el ! No es su kulpa. Ansina le ambezaron ansina aze el povretiko. Se va, se mete a rodiyas i roga a lo ke tiene de arrogar aya. Kon korason limpyo i de todo su alma. El Di-o ke lo bendiga…. Lo entyendo. Si todos en el mundo eran komo el, ivamos a tener PAZ ! Ke dishimos ? La perfeksyon no egziste !
No toparon, no toparon i todo esto disheron ! Los negros !
Se aksepta donasyones para el projekto de La Libreria Prezidensyal George W. Bush ke se esta planeando. Van a azer parte de la Libreriya en las salas aki abasho mensyonadaas :
- Sala Hurikano Katrina (en konstruksyon)
- Sala Alberto Gonzales ande no vash a pueder akodrarvos de nada.
- La Sala de Guardia de la Texas Air Nasyonala ande no tenesh ke vinir.
- La Sala de la Walter Reed Hospital ande no vos vana deshar entrar
- La Sala de Guantanamo Bay, ande no vos deshan salir.
- La Sala de las armas destruktivas masivas ke dingunos puedieron topar.
- La Sala de las Devdas Nasyonales ke es muy muy grande i sin techo
- La Sala de las taksas kortadas para los rikos solo
- La Sala de Ekonomia ke se topa en la tualet
- La Sala de Prezervasyon del Medio Ambiente -vaziyo por agora-
- El Magazen de Regalos VIP ande se puede merkar eleksyones
- La Sala Dick Cheney en el famozo lugar ke es sekreto kompleta kon la galeria de armas
- La Sala de la Guerra de Irak (Dospues ke la vijitash vos azen tornar atras 2, 3, 4, i mizmo 5 vezes)
- La Sala de las Desizyones para las desizyones kritikas, kompleta kon el jugo de dardos, las 8 bolas majikas, Ouija board, dados, piesas de monedas i pajas/straws (Parese ke es por azer andandino todo esto !!!!)
Avra en la Libreria un mikroskop spesyal para ke puedesh ver ande esta el Prezidente i kualo fueron las kozas ke izo.
Se vana egzibir en la Libreriya munchos posters ande puedrash meldar sus famozas dichas ke son :
- La grande majoritad de muestras importasyones vienen de los payises etranjeros !
- Si no reushemos tenemos el riziko de no ganar !
- Los Republikanos entyenden la importansya del esklavaje entre la madre i su kreatura.
- Dingun sivdadino de edad avansada tendra ke eskojer entre medikamentos preskrividos i medisina.
- Amanyana el futuro sera mijor.
- Tendremos los mijores edukados Amerikanos en el mundo.
- La bueno de los livros es ke a vezes ay fotografias ekstraordinaryas (En una seansa de edukasyon)
- La illejitimasya es una koza ke devemos avlar komo si no la teniyamos
- Estare detras de kada deklarasyon yerrada ke ize. George W. Bush al Sam Donaldson
Komo no so Amerikana la vedra es ke no entendi lo todo del todo !!! Ansina un poko i me riyi mizmo ma, no ay nada de azer, son shavdos !
No egziste ande eyos la savor de muestros kuentizikos ! Mi opinion!
Artículos Relacionados: