Kuentizikos de temel… Un delisyo !

Por:
- - Visto 231 veces

EL KOMANDANTE MINTIROZO

Temel i Dursun terminaron sus kurso de parachutistos.
Sus komandante disho ke vino la hora de saltar del avion. Antes de saltar les akodro ke kuando yegan a una sierta altura tienen de travar la kuedra a la derecha para ke se avra el parachute (paracaidas) ke si no se avra tienen la segunda opsyon de travar la otra kuedra a la siedra para avrir el parachute spare.(paracaidas de repuesto) Les disho tambien ke un jeep los iva asperar kuando yegaran a tierra..

Temel salto ma su parachute no se avriyo. Le tomo un espanto loko… Travo la kuedra de siedra… Nadaaaaaaa ! Es alora ke le asuvyo los inyervos i empesa a gritar…
“Sos nada mas ke un mintirozu kumandante de m….. Nada de lo ke dizis es verdad ! Vas a ver lo ke ti vo azer si el jeep tambien no va estar abashu kuando vo abashar ! Te vo degoyar kon mis manus ! ”


LA SIRKONSIZYON

El ijo de Temel yego a sus 20 anyos i no lo sirkonsizaron dayinda… Los vizinos desidan de ir a avlar a sus amigo.
– Temel… Te ulvidates de tus doveres ! No es ansina ! Deves organizar una fiesta i azer sirkunsizar tu ijo !
– Yo ? No es mi echo ! Ke lo aga azer su mujer i ke lo korten kuanto le gusta a eya ! A mi no me molesta ke kede ansina !

EL BILETO DE SINEMA

Temel kijo rekompensar su ijo i lo embiyo al sinema metyendole en su aldikera la moneda ke nesesitava. El manseviko se fue kon muncho plazer. Dospues de un tiempo torno a kaza entero en yoros i sanglutos !
– Ke es ke afito Idris ? Kuntame prestu i ire a aharvar el “perru” ke te izo yorar ¬
– Es el tiyu a la puerta de la entrada al salun del sinema…. Tomo mi bilyetu i lo arazguuuuuuuuuuu !!!

LA MOSHKA SODRA

Temel esta okupado a azer bushkadas en la Universitad. Viene su profesor i kere echar un ojo a las notas ke Temel toma en azyendo sus bushkadas… I melda :
” El primer diya le korti una pierna de la moshka… Estava saltando. el segundo diya le korti la segunda pierna… Estava saltando… El treser diya le korti otruna pierna… Salto ! El kuatren diya le korti su otra pierna. No salto. Le dishe de saltar ma no me oyo.. Se izo sodro !

ENTRE OJOS I SEJA

Temal se izo shofer de taxi.. Se asuvyo a su karo un turisto Texano. Estavan pasando por el grande sentro de kompras AKMERKEZ kuando el Texano disho “Ande mozotros terminamos esta fragua en 3 diyas…” Pasaran por la torre de Galata i el Texano disho ” Esta torre mozotros la fraguamos en kuatro diyas !”. Yegaron a Sultanahmet, el grande sentro historiko i Temel enfasyado de las vaziyeduras del turisto disho
“Oooo Di-o miyo !” El Texano le demando kualo es ke vido por una eksklamasyon asemejante. Temel le respondyo “Antes pasimus por aki.. Ves esta grande mezkita ? No estava aki ! Parese ke la fraguaron entre ojos i seja ! ”

Ke pasesh un buen diya kon muncha alegriya
[email protected]

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: