Lo kualo rekodramos en Januka

Ace mabulana de anios, por aia del siglo segondo antes de la era gregoriana, los masalvachos gregos, komandados por Antíoco IV, negrañada vea su alma, se icieron mui de mui poderosos i mos arrebataron la libertad, aciendo del Kaal Kadosh, todo lo kualo se les vino en gana.

Mos ajarvaron de buena manera, hasta ke los makabeos, bendicho sea su nombre, se astiaron i se dicheron esto se acabo i, lo ke nadie podría kreer, le dieron una jaftona a os gregos, los kualos, debieron arrematarse i desharnos a mosotros  nuevamente libres.

Muestros Rabanim, alabado sean en la memoria, se toparon con el Templo, echo leshana. Todo lo mucho i lo bueno ke teníamos komo mas sagrado, lo decharon kontaminado i sin poder ser usado para recodrar al Kadosh Baruju.

Lo primero ke tenían ke acer, era aprender la Luz Eterna ke debía estar frente al Aron Hakodesh, ma, mafados ellos, se enkontraron konke el alceite sagrado, solo se topaba para un solo dia, por lo kualo, de inmediato se tomaron a hacer nuevo alceite de oliva, para kumplir esta sagrada mitzva. Ellos sabían ke toparían ocho días kon sus noches, para acerse de nueva alceite ke kumpliera kon los requisitos para ser dignos del DIO BARUJU.

Bendicho sea su nombre, el ke todo lo puede, se akodro muevamente de mosotros i iso ke el alceite de un dia, durara los ocho días asta ke la nueva alceite, pura i santa, estuviera lista i lluselika. Ansina, durara los ocho días ke necesitaban muestros Rabanim.

Es por lo kualo ke cada anio, mosotros los dyidios, rekodramos este milagro, ke representa la libertad komo pueblo i la fe irrestrikta en muestro Creador, encendiendo un muevo kandelabro, de ocho brasos i la llama al medio, en alto de las otras, para sakar de ella la lus ke iluminara kada una de las otras velas.

Me preguntaran por lo kualo es ansina i io les respondo ke ancina, estamos recodrando a muestro Dio, Bendicho su Nombre, el kualo nunca mos abandona ma, es necesario ke también mosotros mos akodremos de EL en todo momento i no solo kuandp nos están ajarbando.

Ke su rekodro i enseñanza, mos acompañe kada dia de muestras vidas i ke oi, ante la pusteada korona ke mos esta arrebatando a tantos de mosotros, se aleche para siempre, ia ke el Dio Todo Poderoso, le mandara buen meollo a los ke están aciendo la vakuna salvadora.