SOMOS OCHO MILIONES I NO DOZ !
SIEMPRE PUJADOS I NUNKA AMINGUADOS…..
Un puevlo ke siempre supo salvarse de la extinsion, la anikilasion total de muestra sangre ke los puevlos del mundo tanto dezeyeron, izyeron todo lo ke puedyeron para lograr esta aboinasyon… No lo lograron porke yo tengo la konviksyon ke es Di-o ke no lo permetyo para tomar muestro Destino en Sus manos… Y yegimos, grasyas al Todo Poderozo i muestros mansevos, los leones de Yehuda, a fundar un payiz de mil maraviyas en empesando de nada… de arenas abrigando serpientes…. ISRAEL, muestra medina ke sobrebivra fina la fin de los diyas. Amen! Muestro hogar para siempre, por lakuala daremos la d’alkavo gota de muestra sangre, komo muestros soldados ke partyeron en kapara por eya, en Ganeden ke esten…..
La historia mensiyona unos 400 000 judyos en el anyo 1492 en la Peninsula Iberika de loskualos la mitad fue ekspulsada por el reynado.
En la Peninsula bivyeron enjuntos durante sieglos dos puevlos. Los musulmanos norte-afrikanos i los judios sefaradis.
(Los judyos tienen el kromozomo Y ke se transmite solo kon los padres i no se perye ni en miles i miles de anyos )
Siantifikos Inglezes Espanyoles Portugeses Fransezes i Israelianos analizaron 1140 hombres de 18 puevlos de la Peninsula i las Izlas Baleares i toparon ke 11 % tienen ansestros norte afrikanos i 20 % judyos sefaradis ke aparamente fueron forsados a konvertirsen al Kistyanizmo o se boltaron voluntaramente komo el rezultado de la intolerensya sosyal i relijyoza en akel tiempo.
Esto konduizo siguramente a la integrasyon de sus desendyentes.
Estos rezultados estan dados en el American Journal of Human Genetics.
Aviya 7 o 8 Milyones de personas ke biviyan en la Peninsula Iberika antes del anyo 711 dunke kuando los Norte-Afrikanos yegaron aya. Approx. 200 000 Vizigotas formavan la klasa dominante. Al empesijo, las fuersaz ke vinyeron del Norte-Afrika no kontavan mas de 10 a 15 000 soldados. Las leyes del Islam se propajaron muy presto.
Los Judyos ya estavan en la Peninsula antes de 711. Eran, lo mas, orijinaryos del Oriente Proximo. Eran sivdadinos libres o esklavos romanos dospues de la peryita de la Judea en el anyo 70.
SE DIZE KE AY 2 MILYONES DE JUDYOS SEFARADIS EN EL MUNDO ENTERO. KON ESTO SOMOS 8 MILYONES SI, ASIGUN LOS MUEVOS DATOS, KONTAMOS MUESTROS DESENDYENTES ESPANYOLES.
Los kromozomos sefaradis son distribuados por todo el teritoryo ma muncho mas poko se topan en el nordeste de Kastilya, en Katalunya i en las montanyas del Pireneo.
No ay dinguna nota por loskualos tienen ansestros judyos ke de una manera se topan en los teritoryos del Muevo Mundo, al Norte i al Sur de las Amerikas…. I sin duda ay muy munchos, muestros ermanos keridos, Konversos i Kripto-Judyos pormodo de ansestros komunes Judyos.
Fuente (en partida) :
Diario EL PAIS – Madrid
PRISACOM S.A. – Madrid
AMERICAN JOURNAL OF HUMAN GENETICS
Artículos Relacionados: