Diario Judío México - LOS ASSASINOS DE

Kuaji 11 anyos pasaron des del horror de en … Estos anyos no mos trusheron el olvido i no se puido amahar la dolor de las almas judiyas ke fueron terrivlamente torturadas i assasinadas, ….El barbarizmo de los terroristos i sus krueltad era sin presedente !

10 terroristos del Grupo Pakistanezo Lashkar-e-Taiba terrorizaron durante tres diyas… Atakaron dos famozos hoteles el Oberoi i el Tadj Mahal Palace, el terminal de los trenos, el kafe Leopold i malorozamente la kaza Chabad. 160 personas peryeron sus vidas i uvyeron 360 firyidos…. Lo ke mos tuye lo mas fue el assasinato del Rabbi i de su mujer kon los 5 konvivos ke se topavan en la kaza Chabad.

Los terroristos entraron a por la mar i teniyan bombas i armas pezgadas ke aviyan trushido. Atakaron en primero el terminal de los trenos deshando 56 muertos aya… En segundo yegaron a la kaza Chabad Lubavitch en la kaza Nariman ande el Rabbi i padre de famiya de 29 anyos, Gabriel Holtzberg kon su dulse mujerika Rivka prinyada de 5 mezes i de 28 anyos de edad aviyan aresivido sus 5 konvivos. Fue un mirakulo ke la kozinera ke lavorava ande los Holtzberg, Sandra Samuel, puido salvar el chikitiko Moshe Holtzberg de 2 anyos para yevarlo mas tadre ande sus nonos en . En mizmo tiempo se estava atakando al kafe Leopold i el Tadj Mahal Palace. El Oberoi-Trident Hotel fue atakado en alkavo. Ajmal Kasab fue el solo terroristo ke fue apanyado bivo. Este , kon un otro amigo suyo aviyan siblado el hospital Cama….

Fue djuzgado en Mayo 2010 i enforkado en Pune en Novembre 2012

Sandra Samuel kedo en , bive en Yerushalayim i vijita los parientes de Rivka en Afula para ver Moshiko ke tiene 11 anyos agora. Siempre fue a mirar si todo estava bien, tomar el chiko, kaminarlo i merkarle kozikas ke le plaze. En Enero el otro anyo Binyamin Natanyahu, Sandra i Moshiko se fueron a la en para rememorarse del 10 en aniversaryo de la muerte de los Holtzberg. Estos kedaran siempre en muestros korasones…

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anterior19 de junio de 1953: Ejecución de la pareja Rosenberg
Artículo siguienteRenace el judaísmo en Polonia: Primer festival judío en la localidad de Lodz
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.