Diario Judío México - Ke mas ? Hoteles de 5 estreyas, la mar maraviyoza kon plajas de arena, pisinas, shopping, festivales.  Todo para gozar de las vakansas…

No se ven munchas mujeres…. Estas estan tapadas komo las borekas de Shabat…Ya tenemos demasiado mujeres en muestro payis i en todos los lugares i bien avyertikas s’il vous plait ! Muestros hombres son mas attirados por eyas ke por mozotros !   Ke frustrasyon… Ya me enfasyi de ver mujeres mas de hombres en todos los lugares… Parese ke muestro torno de ser amadas i bien kudyadikas nunka va vinir !  En los payizes arabos sos reyna !  Komo si los hombres del mundo entero son tuyos !

Ke miradas de braza ke tienen….   Los hombres… Oh lalala ! Ke ermozura !  Machos ! Godros ! Peludos !.. Ademas, fina ke se kazan son muertos bolados de amor por las ke keren…. Dospues ? El palo avla al lugar de sus bokas… Ma no mos estamos indo para kazarmos ! Si mos yevan i mos eskonden ?  Aksidentes pueden afitar en todos los lugares !

Ken mos asegura ke no mos va kayer un testo de flores de un balkon i mos va partir la kavesa ? Kedaremos aya mizmo, asperando por unos kuantos minutos la muerte…. Afita !  Guadrados de hora mala i de…..

Una piedra al korason de ver sus chikitikos….

Lo mas estan vistidos kon un kostum militar i una banda en la frente…  Si, komo los Indianos en las Amerikas de al tiempo….  Esto kere dizir ke estan prontos para ser shahides  (korban de Di-o) para la relijyon i sus payis.  Los vash a ver antrenandosen kon bombas de mano i armas verdaderas basho de los ojos de un padre o de una madre, orguyozos komo si trusheron al mundo el Mallah de la Venganza !  A estos chikos se les ambeza el amor al payis i a la relijyon i lo mas el odyo a i a todos ke no son de sus fe !   Saven ke deven obeisensya i respekto a los chefes i a sus parientes ke dezean verlos muertos por la honor ke les traeriya sus muerte… Sin olvidar la kuantidat del dinero para gratifikarlos i rekompensarlos de sus pyedrita !!!  Seran eyos los prinsipales heroes.

Solo kale tener MUNCHO kudyado de no revelar ke somas Judiyas… Oyveeeeeee… Konosen las mas negras torturas ke egzisten en este siglo.

Lo de la Edad Medya keda pokito….. No se deke, son inklinados a tomar grande plazer de la sufriensya de las bestyas i espesyalmente de las mujeres… Lo mas de los hombres tienen kuatro mujeres i la mas chika puede tener de  3 a 12 anyos, kon la benediksyon de sus padres !  Los vemos aki abasho en una boda de massa organizado por el HAMAS.

Ma ermozo lugar ! Kale ver mundo !  , Maza, Shmaza….. Ke ay ? Turizmo es ansina ! No se va solo a ver Londres, Paris, New York, Roma i Tokyo…. No? Ay el Darfour, el Nijer, el Chad, el Burkina Faso i Uganda i Soudan i Yemen  tambien….I munchos munchos otros payizes por seguro.

Es interesante ! I ken disho ke turizmo es shopping i muzeos ? Turizmo es turizmo, ademas en todos los lugares deve de aver butikas ke venden  “souvenirs” ! Para akodrarmos de las vakansyas….

Pudeser para PESAH, al anyo ke viene, vos va dar ganas de vijitar este ermozo payis… !….

[email protected]

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anterior¡Mazl Tov! Felicidades a Aurora Saba por su nuevo nombramiento como presidenta de WIZO México
Artículo siguienteLa pauperización de la clase trabajadora: Una bomba de tiempo
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.