Se me fuyo mi amado
Se me fuyo el amor
¿Ande se eskonde mi kerido?
- Se fuyo a la mar
Se echo en mis brasos
Yorando kon dolor
Me disho: me vo
Me fuyo del askerlik
Ken so yo para
- Matar a un benadam?
Lunika mia
ambezate a no yorar
La leshania es preta
ma nuestro amor
es blanko komo el yasimin
El Dio tendra kargo
De sus kreaturas
Pasaran los dias
Ma nuestro amor no
- Miro a la mar
Aharvo mis ojos
No kiero yorar
La luna en kinze
Me dize
Aspera Lunika
Ya vendra tu kerido
Pasensia me mande el Dio
Artículos Relacionados: