אַ תּל־אָבֿיבֿער מאַניפֿעסטאַציע פֿון טויזנטער מענטשן קעגן פּאָליציי־ברוטאַליטעט האָט אַרויסגערופֿן בלוטיקע צוזאַמענשטויסן צווישן די דעמאָנסטראַנטן און פּאָליציאַנטן. די פּראָטעסטן זונטיק האָט זיך אָנגעהויבן רויִק, אָבער פֿאַרנאַכט האָט אַ גרופּע דעמאָנטסראַנטן אָנגעהויבן באַוואַרפֿן מיט פֿלעשער די פּאָליציאַנטן אויף פֿערד. צום ווייניקסטן, 42 פּאָליציאַנטן זענען פֿאַרוווּנדיקט געוואָרן; עטלעכע פּראָטעסטירער זענען אַרעסטירט געוואָרן.

די פּאָליציי האָט געניצט באַטויבונג־גראַנאַטן, וואַסער־קאַנאָנען און טרערן־גאַז אָפּצושטעלן די אומרוען, בעת די דעמאָנסטראַנטן האָבן איבערגעקערט אַ פּאָליציי־אויטאָ, דערבײַ געמאַכט אַ שׂרפֿה.

פּרעמיער בנימין נתניהו האָט זונטיק אָוונט גערופֿן צו באַרויִקונג. „מיר וועלן אויספֿאָרשן אַלע באַשולדיקונגען, אָבער מיר וועלן נישט טאָלערירן קיין בלוט־פֿאַרגיסונג,‟ האָט ער געזאָגט. מיט אַ טאָג פֿריִער האָט אַן ענלעכע מאַניפֿעסטאַציע אין ירושלים אויך אַרויסגערופֿן בלוט־פֿאַרגיסונג. די אומרוען האָבן זיך אָנגעהויבן נאָכן ווײַזן צוויי ווידעאָס, וווּ ווײַזן ווי פּאָליציאַנטן שלאָגן עטלעכע עטיאָפּעישע ישׂראלים. איינער פֿון די געליטענע איז אַ סאָלדאַט אין צה״ל.

אויף דער דעמאָנסטראַציע זונטיק האָבן די באַטייליקטע געטראָגן טראַנספּאַראַנטן מיט די ווערטער „ס׳איז נישט קיין פֿאַרברעכן צו זײַן שוואַרץ‟ און „מיר פֿאָדערן אַ געזעלשאַפֿט פֿון יושר און גערעכטיקייט‟. אַ טייל האָבן געפֿאָכעט מיט די ישׂראלדיקע פֿענער. במשך פֿונעם פּראָטעסט האָבן מענטשן געהאַלטן די הענט צוזאַמען אין דער הייך, ווי אַ סימבאָל פֿון פֿאַרקייטלט ווערן בײַם אַרעסט.

עטלעכע ישׂראלדיקע כּנסת־דעפּוטאַטן זענען בײַגעווען בײַ די מאַניפֿעסטאַציעס, אַרײַנגערעכנט איימן עודה פֿון דער „אַראַבישער ליסטע‟; דבֿ כענין פֿון „חדש‟; סתיו שפֿיר פֿון דער „ציוניסטישער אייניקייט‟ און די געוועזענע דעפּוטאַטין פֿון „יש עתיד‟, פּנינה תמנו־שטה, די ערשטע עטיאָפּישע פֿרוי צו דינען אין כּנסת.

Diario Judío México - Read more: http://yiddish.forward.com/articles/187572/ethiopian-israelis-and-police-clash/#ixzz3ZwtpG2cU


2 COMENTARIOS

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.