Kadavros….mas kadavros o muertes en vida..

Ondos foyos i los nazis
ovligados a transportar los
puerpos de los ke no estan mas
en vida  para enterrarlos i no
mas kemarlos komo lo izyeron
durante anyos, diya atras diya…..

No lo olvidimos i no lo vamos
olvidar…. ke repozen en paz i en
la luz en ganeden amen……

Konmemoramos  los ke peryeron
sus vidas durante la segunda
guerra mondial…. 6  milyones  de
judyos de toda edad, bebes i viejos
inkluidos solo porke eran judyos…

Almas innosentes ke sufriyeron el
infierno en este mundo antes de
aogarsen en las salas de gas en
los kampos de la muerte i ser
kemados mizmo, a vezes, sin render
el d’alkavo soplo…

Maldigo el rasizmo en todas sus
formas, los ke  kometen dezgrasyas
a todo modo de persona i de animal
i  por seguro el nazizmo i el
antisemitizmo ke assasino friyamente
lo mas del puevlo judyo en europa
fina yegar a la industria de eliminar
humanos para meter mano sovre
todos sus bienes i sus odyo a la
sangre judiya….. malditos   seyan !
malditos por siempre en la eternitad !
amen

Sharope Blanco
sefaradimuestro