Un ombre ganó el primer premio a la lotería. Tinía una madre vieja ke kaminava kon el bastón, duvlada en dos.
Disho: “Yo kero kurar a mi madre, no emportan las parás.”
Bushkó bushkó i topó un grande profesor, le disho: “Yo kero kurar a mi madre… Me diga kuanto kere.”
Le disho el profesor:” Meta 10,000 dolares enriva mi meza i yo vo azer el posible.”
El ombre metió las parás enriva la meza del profesor i salió del estudio, deshando ay su madre.
Después de un kuarto de ora salió el profesor kon la madre ke estava propio derecha.
El ombre se kedó enkantado. Le disho el profesor: “El bastón ke tinía estava muy kurto para eya. Se lo alargí.”
Kontado por MATILDA KOEN-SARANO – 2017
Artículos Relacionados: