Kuentizikos A La Demanyana

Diario Judío México
– Mirna me oyes ?
– Si ! Ke ay ?
– No te kero molestar ma kale ke penses
a topar un psikologo para Eva ! Ya paso
los 35 anyos i nunka se espozo, se kazo…
– Ke importa psikologo o no ? Ke venga
a la buena hora i kon su mazal ! Doktor,
avokato, ingenior, kozinero o kuzendero !

@

Mirna, la mujer de Yaacov, estava asentada en
el salon, entera chapetada kuando su marido
entra a kaza.

– Yaacov vinites ?
– Esto en kaza… Ken mas puediya vinir a estas
horas?
– No se ! Antes 10 minutos vino el tipo ke mos
traye el korreo.
– I ke kijo ?
– No kijo nada !
– I para kualo vino ?
– Para azer su echo ! Ke tienes tu esta noche ?
– Nada ! Ke vo tener? Es tu ke estas chapetada ¬
– Ah si ! Tengo de informarte…
– I no me kontas nada ! Avla !
– Arresivi un telegram de Moishele de New York.
– Ke kere ? Le embiyi antes una semana solo 2000
Dollares. Se le eskeparon tan presto ? Ke ijo !!!
– No es esto ! Ay dos kozas. Una mala, otra buena.
De ande keres ke empese ?
– Ouffff Mirna ! No me kites loko ! Empesa por
la mala.
– Moishele dize ke es gay !
i ajusta presto presto
– I lo bueno es ke el novyo es un mediko !…

@

En una reunion Shmuel se aserka de Jaacov :
– Kero avlarte…
– OK. Te esto oyendo.
– No aki. Iremos a la otra kamareta. No kero
ke dingunos oygan lo ke te vo dizir.

Se apartan de sus amigos i kuando estan solos
Shmuel avla kon una chika boz :
– Nesesito 1000 Dollares para kuvrir el banko.
Yaacov le responde :
– Kedate trankilo… Te do mi palavra. No lo vo
dizir a dingunos !

@

Un otro diya Shmuel esta otra vez la aldikera vaziya !
– Yaacov…. Yaacoooov ?
– Esto aki porke estas gritando ?
– Nesesito kon urgensya 1000 Dollares i no tengo de
ken demandar este dinero.
– Ah bueno. Me espanti un momento ! Pensi ke los
ivas a demander de mi !

[email protected]