Dedikado a todas las granmamis en vida I las ke ya estan en Ganeden kon los angelitos.
Lo eskrivi I lo traduizi al Espanyol dospues ke lo sharopeyi en mi miente i lo vazyi sovre el papel blanko para prezentarlovos a mi manera. Fueron el Maestro Sephiha I mi kerido Eliseo ke me lo aviyan embiyado en Fransez…Me plazyo muncho porke para mi era nostaljiya ke me akodro akeyos tiempos bendichos de mi chikes…
Se trata de la “prostela” de las granmamas ! Los mansevos de oy por seguro ke no uzan estas grandes prostelas al rededor de la talya ke se metiyan ensima del fostan para ke este no se ensuzye ! La razon era de pueder lavar muncho mas fasil una prostela ke un fostan sharanfonfon komo era la moda antes ! Las dammas no vistiyan un tishort kon un jeans ! Ademas no teniyan tantas kozas de vistir I mijor valiya kudyar lo ke se teniya sin avlar ke lo mas de las ropas de los fostanes no se puediyan lavar !
Las prostelas serviyan tambien aDunke la razon del uzo de la prostela era de protejar el vestido ma muncho mas de esto teniya otros uzos ke ni se puediya pensar ke la nikochera, ken ke seya, no vista una prostela en kaza !…… Yo mizma, no puediya salir a la guerta para jugar kon mis amigas del vizindado sin ke mi madre me ate pishin una ermoza prostela kon volanes i broderiyas en vezes ! Ansina era en akel tiempo i todas mis amigitas viniyan a jugar kon sus prostelikas i un ermozo chapeyo si aviya muncho sol ! Los gatikos muncho mas trankilos de los de oy (!) se deshavan ser muestras kreaturas… Los vistiyamos i los echavamos kon kuvyertas i kavesal en las kamikas o las “pousettes” de las kuklas. Les davamos a komer lo ke “gizavamos” kon yervas, lo ke topavamos en los almaryos ande se guadravan las komidas, la leche del diya, kezo, yogurt… Las mosas trikotavan kalsas para sus piyes chikitikos i prostelas a vezes ! Les tapavamos las kavesas kon un “fichue”…
– Enshugar lar manos
– Para alimpyar la sudor.
– Asoplar
– Alimpyar las karikas de las kreaturas ke yoravan !
– Guadrar las kozas debasho ! -mizmo kreaturas ! –
– Embolver los brasos si el tiempo estava yelado
– Guadrar la rida, paras, yaves, antojos en sus aldikeras…
– Yevar los gueyvos, panes, patatas, sevoyas, lenyo, frutas i verduras de la guerta de la mizma de soflama antes ke uno venga supito a vijitar, serviya a ser el kanyamazo manera ke un sesto.
– Kitar del orno un resipiante muy kayinte I meterlo al lado de la ventana para ke se yele. Oy metemos los alimentos al bodre de la ventana para dekonjelarlos !
– En tiempo para tomar polvos…
No mos akodramos de los mikrobes de las protelas ma la kayintor I muestro amor para las ke las vistiyan…
Abrasos karinyozos a todos
Sharope Blanco
Sefaradimuestro
Artículos Relacionados: