Kuentizikos muevos para el anyo muevo

Por:
- - Visto 210 veces
Kuentizikos muevos para el anyo muevo

PEPITO

Es bueno riyir a la entrada de un muevo anyo !
Ke tengash dias alegres i sorizas el anyo entero….

A la eskola la maestra demanda a Pepito de darle un egzemplo de un mamifero sin dientes.
Pepito responde : ” Mi nonika ! ”


*

La madre de Pepito estava muy aravyada.
– Komo puedites dizir a la tia Shoshanna ke es tan bova ?
Vate a su lado, agora mizmo, i ekskuzate !
Pepito va a topar su tia i le dize :
– Tia lo siento muncho ke sos tan bova…..

*
Pepito viene siempre tadre a la eskola, La maestra le demanda kuala es la razon :
– Pepito porke vienes siempre tadre ?
– Es pormodo de la pankarta serka de la eskola.
– De kuala pankarta avlas ?
– De la ke esta kuando se torna la kaleja… Esta eskrito ensima :
“Avagar… eskola !”

*

Pepito le dize a su padre :
– Tu sus vayente, no papi ?
– Por supuesto Pepito !
– Alora puedes mirar mis notas….

*

Es el kumpleanyos del padre de Pepito.
Lo yama su papi i le dize :
– Lo ke me ariya lo mas plazer, Pepito, es ke lavores bien tus lesyones i ke logres buenas notas por fin !
– Muy tadre Papi, ya te merki una kravata !

*

– Kual es el mijor timpo para arrekojer las patatas ?
– Kuando el duenyo del kampo se fue i no esta responde Pepito.

*

– El maestro de la eskola le demanda a Pepito 12 bokales de vino a 1 Euro kada uno, kuanto aze ?
– Amde mozotros ni tres dias Senyor…

*

La madre de Pepito le dize :
– Pepito si sos buen ijiko te vas a ir al sielo ma si no lo sos te vas a ir al infiermo.

– I komo devo de ser para ir al sirko ?

*

La familya se fue a kaminar al zoo kon el tio Eli. Estavan todos divertyendosen kuando Pepito se metyo supito a gritar:
– Ayyyyyyyy ! Mirad bueno a esta gorilla. Vedra ke asemeja enteramente a mi tio Berti ?
– Kayado Pepito ! se inyerva la madre….
– Ma mami ! Es solo una gorilla… No puede entender lo ke digo!

*

Pepito dize a su mama kuando esta viene a bushkarlo a la maternitad:
– Oy la maestra me demando si teniya ermanikos ke entrariyan a la maternitad en serka.
– Ke bueno mi kerido. Se interesa a ti, es porke te kere bien.
Kualo te respondyo kuando le dishites ke sos el uniko en kaza, lo bueno muestro ?
– Solo : “Grasyas al Di-o !”

*

Pepito le demande a su papa de ayudarlo para la matematika.
– Bueno Pepito. merkas dos kalemes (lapiz) i pagas 4 Dolares. Kuanto te kosta uno de estos ?
– Miro el papeliko ke salyo de la kasha de la botika…

sharope.blanco@gmail.com

Comparte en Redes Sociales

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


Artículos Relacionados: