Diario Judío México-
LA KABALA I EL ZOHAR
Fuente : Moise Rahmani Z”l
La kabala es una muy vieja savyedura de antes de unos 4000 anyos, la mas antigua ke egziste i sinyifika en lingua HEBREA i ARAMEA “ARRESIVIR”. Paso de boka en boka i de generasyon en generasyon por los hombres de edad de 40 anyos i por ariva. Estos hombres deviyan a lo manko tener unas siertas kalifikasyones nesesaryas para pueder entender i ambezarsen de este estudyo.
El ke estudyo no es forsado partikularamente de pensar de la mizma manera ke sus kompanyeros. Se komparten las informasyones kon la esperansa ke van a ayudar a amejorar las vidas de los otros. Unos 2000 anyos antes, las bazas de los ambezos de la KABALA, el ZOHAR, ke sinyifika SPLENDOR I KLARITAD i es tambien konosido kom el Livro de la Formasyon, fueron revelados i manifestados al Rabino Shimon Bar Yohay i fueron eskrito por el. Bar Yohay es un Rabino mistiko ke siempre ekspliko ke todas estas historyas no son para entenderlas al nivel literaryo i tekstuelamente. Es un KOD sovre komo el Universo funksyona spiritualmente. Deshifra las eskrituras antiguas i eksplika kualo es lo ke se kere dizir en kada historya ke meldamos en la Biblia i kualo es lo ke se kere transmeter spiritualmente.
La Luz del ZOHAR egzistyo des de siempre mizmo si no komo en forma de livro en su forma aktual. En su forma orijinal fue eskrito en Arameo i fue eskondido durante un largo tiempo. Salyo a la luz en el siglo 13 en Espanya kon Rabbi Mozes de Leon. En 1540, Rabbi Abraham Azulai deklaro ke de akel tiempo a delantre, los niveles bazikos de la Kabala se puedran ambezar a todos ke lo dezeyan, aedados komo mansevos i ke de esta manera se puedra eliminar las guerras para siempre, la destruksyon i las sufruyensas ke el humano kavza a sus ermanos humanos.
La Kabala i el Zohar ke no pueden ser separados fueron venerados por los Kristyanos i los otros por seguro i no ay dudas ke es para ser estudyado por los humanos para el bien de toda la humanitad.
ADAM i los PATRIARKOS ya lo posedavan i MOSHE lo arresivyo enjuntos kon la BIBLIA.
[email protected]
Artículos Relacionados: