Diario Judío

LA PRIMRA NOCHE KON LA KANDELIKA VEDRE

Mi amigita en Israel me embiyo un message ke me sharopeyo el korason...

Lo traduizi i vo lo prezento aki. Se trata de kandelikas ke avlan entre eyas :

Kuatro kandelikas estavan briyando kon sus luzizikas, dando una dulse kayntor al deredor. Estavan avlando i kuaji oyivamos lo ke estavan dizyendo...

La primera kandela :

Me yamo PAZ....El mundo esta yenno de ravya i ay guerras en todos los partes. Dingunos se okupan de mi... I la flama de PAZ se amato enteramente.

La segunda kandela :

Me yamo EMUNA i so la kandela de kreyensa i konfiyensya. Veygo ke no me nesesitan. No vale la pena ke seya asyendida... I la flama de EMUNA asoplo para amatar su flama.

La tresera kandela :

Me yamo AMOR .. So la kandela del noble sentimiento ke arekayinta los korasones. Pensava ke era indispensable ma veyo ke no se interesan a mi.
La gente no me keren mizmo para los ke estan a sus lados ! I la flama del amor muy tristamente se enchikesyo i dezaparesyo.

Una kreatura entro en la kamareta i vido las tres kandelas amatadas i... se metyo a yorar !

- Deke no estash asiendidas ? Deviyash dar vuestra luz fina al kavo !

La kuatrena kandela le arrespondyo :

No yores ! So la kandela ESPERANSA. Todo el tiempo ke tengo flama puedemos otra vez asyender las otras. Kon ojos briyando la kreatura tomo
la kandela ESPERANSA en su mano i asyendyo de muevo la tres kandelas.

La mas valoroza de estas era el AMOR.

Ma la ESPERANSA nunka kale ke se amate ! Kon ESPERANSA kada uno de mozotros puede topar la PAZ, la EMUNA i el AMOR.

DI-O de mis Padres :

Sos mi LUZ i es en Ti ke tengo EMUNA.
Sos Tu mi ESPERANSA.
Perdona mis yerros i mis errores
i ayudame a ser el ke sembra PAZ i AMOR en el mundo.
Dame el pueder de ser la kandela ke asyende la LUZ de todos.
AMEN.

No kijyerash kontar la historya de las kandelikas
a vuestros sovrinikos, inyetizikos ?

sharope.blanco@gmail.com

SIN COMENTARIOS

Deja tu Comentario

A excepción de tu nombre y tu correo electrónico tus datos personales no serán visibles y son opcionales, pero nos ayudan a conocer mejor a nuestro público lector

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.
Artículo anterior“Starwars Galaxy of Adventures” Acerca a los Personajes Clásicos a Una Nueva Generación
Artículo siguienteLujo Colonial
SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.