Mi kerida,
Te amo tanto ke si fuersa divina tenia
De pueder alimpyar las miradas de kada dia
Ke se gravan en tu kuerpo durante tus paseos,
Miradas yenas de kodisyas d’amor i deseos.
So un seloso ke no puedo kompartir mi gozo
Sos regalo de los sielos ke me rendes orozo,
Siempre huites mi vida,mi alma,mi esperansa
Me azes olvidar las penas de mi vida kansa.
Sos mi luz ke la kuala bria i siempre me gia
Si….. Me inche de enerjia i me ilumina.
Amor mio,en mis poemas preferi no nombrarte
Esta palavra sakra no la empleo en mi arte,
Por ke penso,kon tiempo puede perder su sentido
I se transforma a un biervo no sinyifikativo.
Kuando penso en ti mi sangre buye en mis venas,
Es tu amor ke sirkula, son kon karinyo yenas.
Todos los dias bivo kon tu nombre i kerensia
Para mi sos mi mundo,mi fiesta i mi egzistensia…
Artículos Relacionados: