Entonses en los kampos, en los getos
No avia flor, porke no avia planta
No avia planta, porke se la komieron
No avia arvol, porke lo desarrankaron
No avia papiyon, porke no avia flor
No avia pasharo i no avia nido
No avia djente, los djudios, eran solo numeros
No avia djente umana, los nazistas,
Los soldados almanes, romanos,
Los ukrainos abitantes del lugar.
No kresieron tombas, solamente montones de puerpos muertos
No avia kazas, solo estables i ahires
No avia kamaretas, solo kamaras de gaz
No avia ornayas, solo ornos
I no kedo nada, solo siniza i polvo.
Oy dizen ke Todo fue mintira,
Esto no es mas ke una leyenda
No uvo Shoa del todo
Es solo propaganda Ansina,
desparesio el tersio del puevlo
Komo ke no existio
Uno de kada tres djudios fue asasinado
Ayi, en la Shoa
I no kedo, i no sovro
Sino ke una terrible dolor
A la kuala fue adjustada oy,
Otra tremende dolor
La dolor de la negasion.
Artículos Relacionados: